Olagarroa hil zuen aitxitxa gaiztoarena
Amatiño
2015/08/30 18:20
Inork espero ez zuen olagarroa ezustean agertu eta, inguruko umeteria aho batez: “Olagarrua... olagarrua!”. “Nun... nun?”. “Hor... hor!”. “Atxitxa, aitxitxa: hartu... hartu!” Aitxitxak, ia jakinezta, samara egin, lepo labainkorretik heldu-edo eta galdetu: “Oin zer? Erantzuna, berriz: “Sartu, sartu! Otarrian sartu!”. Eta aitxitxak olagarro gizajoa ukabilez hiru-lau bider buruan astindu eta, odol beltza zeriola, konorte barik, otarrean sartu. Neska-mutikoak, berriz, aho zabalik, begiak handi-mandi, arnasestuka, sentibera, sinestu ezinik: "Aitxitxa… hil egin dozu?”
Erantzunik ez
Xabier Aizarnaren oroitzapenetan
Amatiño
2015/08/27 00:05
Auskalo Sortu inguruko jendeak jaramonik egingo ote dion Javier Elzo soziologoari, baina ezin izango dio esan, behintzat, ulertu ez dionik. Elzo ez da esne-berbetan geratu Uda Ikastaroetan. Gogorarazi die “Gora ETA militarra” eta “ETA mátalos” oihukatu izaten zutenei, ordua dela gaizki esanak eta eginak aitortzeko.
Huelva, padura-herria
Amatiño
2015/08/24 16:55
Europan “mesopotamiarik” bada, Huelva da, behar bada, nabarmenenetakoa. Ehun kilometro inguruko itsasbazterrean, nagusi dira Guadiana eta Guadalquivir ibai naroen arteko hondartzak, natura-lurraldeak eta padurak. Guztira, Bizkai osoa baino zabalagoak.
"Auzo-berrikuntza", euskal erronkarik handienetakoa
Amatiño
2015/08/21 00:10
Nekazaritzan ez ezik, industrian ere, elkarren arteko "auzo-lana" baliagarri baldin bada finantziazioa, logistika, ekoizpena, katalogoaren aniztasuna eta sare komertziala hobetzeko eta lehiakortasuna areagotzeko, "auzo-berrikuntza" ez al da, aldi berean, erabat onuragarri izango?
Lege zaharreko lehiakortasun afrikarra
Amatiño
2015/08/18 00:00
Kepa Acero surflariari entzun diot, irratiz, gertatuaren berri ematen. Ez da izan, ordea, zergatik gertatu ote zitzaion azaltzeko gauza izan. Nonbait, Senegala joan zenean, birritan pasatu behar izan zuen Mauritaniako muga beretik. Harunzkoan doan eta honuzkoan, aldiz, 600 dolar ordaindu behar. Zergatik ote?
Meza klandestinoa
Amatiño
2015/08/14 14:20
Gaur hasiko dira Debako San Roke jaiak. Programari jaramonik egingo badiogu, arratsaldeko 7:30etan “Udalbatza elizara abiatuko da Alkate soinuarekin. Gure Kai dantza taldeak Erreberentzia eta Ezpata dantza dantzatuko ditu. Ondoren, Hilarion Eslavaren Salbea abestuko du Aitzuri abesbatzak”. Egitarauak ez du argitzen zer dela-eta abiatuko den Udalbatza elizara. Ezta dantzariak eta korua aritu ere non arituko ote diren. Sandroketako misterio santua.
Midi kanala, bi itsasoren arteko ubidea
Amatiño
2015/08/12 00:10
Pierre-Paul Riquet kementsuak ekin, eragin eta burutu arren, berak sekula lanean ikusi ezin izan zuen herri-lana da bi itsasoen arteko ubidea, Mediterraneoa eta Atlantikoa elkartzen dituen Midi kanala. Frantziar hegoaldeko garraio-sektorea irauli zuen bi mendetan zehar eta gaur egun turismoari esker dirau.
Carmelo Larrea bilbotarraren musika hegoamerikarra
Amatiño
2015/08/10 00:30
Nork ez du gero, Eibarren behintzat, inoiz kantatu “Están clavadas dos cruces en el monte del Olvido…” abestia? Inork gutxik dakiena da, ostera, mundu guztian (barrena, ingelesezko, frantsesezko eta japonierazko bertsioak ditu) ezaguna den kanta `hegoamerikar´ honen egilea bilbotarra zela: Carmelo Larrea Karrikarte.
Euskal Herriaren mesedetan, omen.
Amatiño
2015/08/08 17:55
Hamabost urte ETAk Jose Mari Korta erail zuela lantegi-atarian. Bertako langileek galdetu zioten orduan ETAri, zergatik izan ote zitekeen eraso hura Euskal Herriaren onetan. Ez zuten, ordea, erantzunik jaso. Hamabost urte geroago galderak tinko dirau, baita erantzunik ezak ere.
Suzuko Ainhoa Tamura ohorezko euskaltzaina hil da
Amatiño
2015/08/07 00:10
Astelehenean hil zen, Tokion, 81 urte zituela, Suzuko Tamura, japoniar hizkuntzalari eta ohorezko euskaltzaina. Bederatzi hizkuntza zekizkian, euskara-eskolak eman zituen Tokioko unibertsitatean jubilatu arte eta, besteak beste, euskarazko lehen liburua (Linguae Vasconum Primitiae. Etxepare, 1545) japonieraz itzuli.