Europaren ipurdian
Amatiño
2022/05/07 10:00
Ez da giro. Datuek ez dirudite, behar bada, txarrak, hegoaldera begira, baina nekez lasai dezakete inor, Bidasoaz iparrera begiratuz gero. Auskalo, munduko onenetakoak ote garen baina, aldi berean, baita Europaren ipurdia ere, langabeziaz behintzat.
Erantzunik ez
Hitzen nondik norakoa
Amatiño
2022/05/03 14:00
@EtimosDirectos (1) deritza etimologiaren gaineko Twitter kontuari, zehaztasun zientifikoa eta zabalkunde-zentzua aldi berean biltzeko xedeaz, Shayma Filali, Israel Villalba eta Peru Amorrortu taldekideek (2) elkarrekin kudeatua. Helburu lortu samarra, antza, 100.000 inguru jarraitzaile baititu honezkero. Arrakasta honen ondorioz kaleratu berri da “La vida secreta de las palabras” (La esfera de los libros, 2022) delako liburua.
Geopolitika
Amatiño
2022/04/30 10:00
Antonio Brufau, Repsolen presidentea, Ekonomia Zirkularra eta Trantsizio Energetikoaren gaineko jardunaldian egon da Bilbon, non adierazi duen Europak egun bizi duen krisiaren arrazoietakoak zerak direla: “gauzak azkarregi egin nahi izana, ondorioez pentsatu gabe eta edozein trantsiziok dakartzan kostuak jendaurrean azaltzeke”.
Bazkoniako notiziak, Iparretik ikusiak
Amatiño
2022/04/27 15:00
Jean-Louis Davant euskaltzainak ezein historialarik nekez egin ditzakeen aitorpenak egiten ditu argitara eman berri duen “Baskoniako notiziak” historia-liburuaren sarreran. Batetik, ez dela “ofiziokoa”, hots, ez dela historialaria. Bestetik denbora gutxi gelditzen zaiola (87 urte ditu). Eta, ondorioz, ez duela euskaldunen historia orokorrik egin, “maiteenik eta ezagunenik ditudan edo garrantzitsuenak zaizkidan uharte zenbaitena” baizik.
Oteiza eta Chillida, aurrez aurre
Amatiño
2022/04/24 23:35
“Oteiza-Chillida. Dialogoa” (50eko eta 60ko urteetan) da, batere zalantzarik gabe, XX. mendeko euskal eskulturaz interes ñimiñorik duen edonork batere aitzakiarik gabe ikusi beharreko erakusketa. Euskal zizelkari nagusi bien eskulturak aurrez aurre ikusteaz gainera, aparteko abagunea, zinez adierazgarriak diren testuak irakurtzeko eta, sarrerako bideoan, Javier González de Durana komisarioaren azalpenak ikusentzuteko. Gero gerokoak.
Fikzioa ez da irakurzaletasuna balioztatzen duen bakarra
Amatiño
2022/04/20 09:00
Irakurzaletasunak ez du beste edozein arte gustuko izatea saihesten. Ez eta alderantziz ere, jakina. Beti ere gogoan izanda, ezein arte-motaren zaletasuna… zaletasuna besterik ez dela, ez derrigorrezko betebehar morala. Eta gainera, irakurtzeko orduan, fikziozko literatura ez dela irakurzaletasuna balioztatzen duen bakarra.
XIX. mendeko erromantizismoaren marketina
Amatiño
2022/04/16 11:15
Antonín Dvorák (1841-1904) musikagilearen 9. Sinfonia “Mundu Berrikoa” eskaini du Euskadiko Orkestrak, Aste Santuko kontzertuaren baitan. Bohemiarraren konposizioa da, segurutik, musika klasikoaren historian, sinfoniarik ezagunenetakoa, eta XIX. mendeko nazionalismo musikalaren erreferentzia nagusia, Bedrich Smetana txekiar aberkidearen “Má vlast” (Nire aberria) poema sinfonikoarekin batera.
KGBa nagusi, errusiar polizia-estatuan
Amatiño
2022/04/12 12:55
Catherine Belton kazetariaren kontakizun jariotsuak ez du ajerik, xehetasunetan lar lorrintzea baino; baina, edozein modutan, bilduma oparoa, oparoegia. Putinen jokamoldeak ez ezik, liburuak bilbatzen du errusiar belaunaldi oso baten nondik norakoa ulertzeko informazio-kutxa apartekoa. Fikzio sinesgaitza. Thriller peto-petoa. Baina, orobat, bertatik bertara dagoen errealitatea. Oilo-ipurdia jartzeko bestekoa.
Hogeita bost urte barruko energia-orekaren bila
Amatiño
2022/04/08 11:00
Edozein energia-motak, aurrera egingo badu, segurua, lehiakorra eta iraunkorra behar du izan. Segurua, etenik eta arriskurik eza bermatzeko. Lehiakorra, merkatuaren onespena erakartzeko, eta iraunkorra, ingurumena gogoan izateko.
Sinatua, Zaragozan, Hidrogenoaren Ebroko Korridorea
Amatiño
2022/04/04 22:40
Hidrogenoa energiatzat erabiltzeko teknologia ez da berria. Aragoiko Hidrogeno Fundazioa 2003 urtean sortu zen eta gure inguru-minguru honetako 500 kilometrotan hidrogeno ekoizlerik handiena (barne kontsumorako bada ere) Petronor findegia da. Berria dena zera da, hidrogeno berriztagarria lortzeko aukera eta azken urteotako krisialdiek erakarri duten energia-eskabidearen hazkundea.