Zikloak
Amatiño
2009/04/21 00:28
Zer egin behar ote, lehen mailara itzultzeko? Auskalo! Publikoa gogoan izan, zaleak zaindu, harrobia suspertu, jokalariak eraberritu, fitxajeak egiten asmatu eta… partiduak irabazi, jakina.
Erantzunik ez
Blogak ez omen du albiste garrantzitsutarako balio
Amatiño
2009/04/19 23:58
Blogak balio al du lehen lehen mailako albisterik emateko? Paperezko egunkariak digitalak baino serioagoak al dira? Zilegi al da blogez aditzera ematea egunkari-zutabez ontzat emango ez litzatekeena? Internetek errotatibaren erantzukizuna eta sinesgarritasuna hankaz gora botako al ditu? Honelako hainbat galdera egiten ditu asteburu honetan euskal zinemetan estreinatu den “La sombra del poder” filmeak.
Antzezlana, arra, eta zinea, emea
Amatiño
2009/04/13 00:38
Zinegintzako aktore-aktoresa lanari emetasunaren esentzia dario eta antzerkikoari, aldiz, arraren balioak dagozkio. Holaxe esan zuen behintzat Shirley MacLaine (Virginia, 1934 - ) artistak orain hemezortzi urte argitara emandako nolabaiteko memorietan. Dena den, gauza bat dira MacLainek zineari zein antzerkiari ezartzen dizkion balioak eta, beste bat, harako baliook emearenak edo arrarenak ote diren.
“Gran Torino”: Clint Eastwood-en mitoak dirau
Amatiño
2009/04/11 19:43
Segurutik “Gran Torino” da egungo karteldegian dagoen filmerik gomendagarrienetakoa. Beste behin, Clint Eastwood zaharrak erakusten digu ezer gutxi behar dela historia eder bat kontatzeko. Ez aurrekontu handirik, ez efektu berezirik, ez kokapen apartekorik, Zazpigarren Artearen sena besterik ez. Malenkoniaz eta klasizismoz jositako sena.
Gero eta zaratatsuagoak
Amatiño
2009/04/07 00:30
Bistan da elizara joateari utzi eta kirolak arratsaldeetara pasatzearekin batera, kanpolarrosa zaratatsuak bihurtu garena. Eta ez dut uste zer ospatu gehiago dugulako denik.
Denboraz kanpo
Amatiño
2009/04/03 01:40
Orain ulergaitz samarra gertatu arren, 1965tik 1975ra bitarteko hamarkadako euskal munduaren zenbait eztabaida liburuetan eta kazetetan idazten genuenon artean gertatu izan ziren. Hau da, formato ezberdinen artean eta, beraz, zeharo ‘tenpo’ ezberdinetan. Denboraren kontzeptoa egungoa baino dezente geldoagoa zen, euskal giroa askoz ere estuago eta endogamikoagoa, eta idazleek zein kazetariek bakoitzak gogokoen zuen euskarrian idatzi izaten zioten elkarri.
Gabonetako kontu bat
Amatiño
2009/03/29 21:26
“Un conte de Noël” da, segurutik, egunotako karteldegian dagoen filmerik konplexuena. Baita, behar bada, zinikoena ere. Eta garratzenetakoa. Vuillard familia frantsesaren Gabonetako bilera kontatzen zaigu. Ez dago, itxuraz behintzat, trajedia nabarmenik, ez dago hilketarik, ez dago lar zorigaitzik. Baina bada gatazkarik, traiziorik, gorrotorik, zauri psikikorik… malura, arrangura eta samindurarik.
Abortuaren indarkeria-punttua
Amatiño
2009/03/24 00:10
Abortua dela-eta, ez dut nik esango ezein kasutan abortatu behar ez denik eta ez nator bat umea galtzearen kontra ezezik, espermatozoideen eskubideen defentsa ere egiten dutenekin. Beti onartuko dut legeak dioena, beronen mugen barruan amak erabaki lezakeena, eta badakit legeak abortua ahalbideratu arren, ezein emakume ez dagoela abortatzeko derrigortua. Baina, aldi berean, uste dut errazegi ixten ditugula begiak umea galtzearen aurrean.
Gorka Agirre, erbestearen seme
Amatiño
2009/03/21 00:38
Sasoiko lore, garaiko fruitu, zirkunstantzien kimu eta erbestearen seme, Gorka Agirre bart hil da Bilbon, 60 urte bete berri dituen aste berean. Agirre lehendakariaren iloba, Anberesen jaio zen 1949an eta Ekonomiaz lizentziatu Lovainako Unibertsitatean. Euskaraz, flandrieraz, frantsesez eta espanieraz mintzo zen txiki-txikitandik eta europar egitasmoan buru-belarri sinesten zuen abertzalea izan zen. Baita euskal abertzale guztien arteko egitasmo bateratuaren aldarrikatzaile ere.
Karlisten eta liberalen gerra-kontaerak
Amatiño
2009/03/15 21:37
Frantzisko Apalategik donostiarrak han-hemenka bildutako edozenbat gertaeraren hautua eskaintzen du Aita Zavalak ia mila orrialdetan. Eibarko eta eibartarren aipamenik ere ez da falta --guztira hirupalau baino ez diren arren--, ezta Debabarrengo beste zenbait herritakorik ere. Apalategi gauza izan zen kontatzaileek erabilitako hizkuntza gordetzeko baina ez, ordea, lekuan lekuko euskalkiei eusteko. Ondorioz, nonahiko direlarik ere jatorriz esatariak --nafarrak, giputzak zein bizkaitarrak alegia-- guztiok mintzo dira donostiarraren era eta moldeetan.