Hipatia, Alexandriako elipsia
Amatiño
2009/10/23 23:05
“Tú no cuestionas lo que crees. No puedes. Yo debo”. Esaldi honetan laburbiltzen da Hipatia filosofoa eta Orestes prefektuaren arteko jokabide ezberdina eta, besteak beste, Amenabar zuzendariak ‘Agora’ filmean aldarrikatzen duen intelektualaren zeregina. Egiaren perfekzioa ez baita biribila, elipsia baizik.
2 erantzun
Ezta larrua jotzeko ere
Amatiño
2009/10/21 18:30
Azor yatea, frankismoaren ikurrik adierazgarrienetakoa, Burgosko lautadako motel baten atarian datza, lehorrik lehorrenean. Haren ugazabak luxuzko “pikaderotzat” erabiltzeko asmotan erosi zuen baina ideiak ez zuen batere arrakastarik izan. Francisco Franco eta Carmen Polo bikotearen lizar, intxaur, haritz eta sikomoro egiptoarrez jantzitako logelak (ez zuten elkarrekin lo egiten) ez dira nonbait inoren libidorik limurtzeko gauza izan.
Plagioak baldintzak betetzen ez dituenean
Amatiño
2009/10/19 22:41
Ez, Bernardo Atxagaren ildotik ez dugu plagiorik gaitzetsiko, nabarmenduko baino. Kazetari naizen aldetik ez dagokit neri plagiorik salatzeari ekitea, nekez baitago lanbide kopiatzaile handiagorik. Baina, aldi berean, zilegi al zaigu Ramon Rotetaren egiazko sorketa-ahalmena, oraingoz behintzat, auzitan jartzea?
Klikak, ehunetik sei benetan atomikoak
Amatiño
2009/10/17 23:39
“Eta argindarra ere baduzuela nahi duzuenean piztu eta nahi duzuenean itzaltzeko?” (Joseba Sarrionaindia. GAU ILUNEKOAK. Elkar Argitaletxea, Donostia, 2008).
Santa Gadea del Cid nuklearra
Amatiño
2009/10/15 00:02
Urriaren 6an, Mariano Rajoy ez zen denboraz heldu Gasteiza. Ez zen izan Madrilgo hegazkina berandu iritsi zelako edo, Santa Gadea del Cid herrian uste baino gehiago luzatu zelako baino. Busgosko berrehundaka alkate, zinegotzi eta zale bildu zituen bertan eta honako hau agindu: “Hurrengo hausteskundeak irabazten baldin baditugu ez dut Garoña itxiko”.
Laster egingo dugu automobill... elektrikoa
Amatiño
2009/10/14 00:22
Cegasak Euskal Energia Klusterraren bazkide izatea erabaki du. Ezer ez da gero ustekabean gertatzen eta orain 75 urte Oñatin sortutako bateria eta pila-lantegi hau sekulako aldaketaren atarian dago. Zerbait mugitzen ari da. Cegasan, euskal industrian eta nazioarteko merkatuan. Zerbait baino gehiago.
Usotan
Amatiño
2009/10/12 13:55
Nik ez dut inoiz eskopetarik izan, are gutxiago usorik hil, baina oso oker ez banago 1960eko hamarkadan normal samarra zen, Eibarren, eskopetaren bat etxean edukitzea. Txikito batzuk jotzea, rantxerak kantatzea eta ehiztari izatea oso “eibartarra” omen zen. Beraz, zentzu horretan behintzat, ni ez naiz sekula eibartar peto-petoa izan. Eta, hori horrela balitz, gaur egungo gazteak ere ez lirateke oso eibartarrak izango.
Amatianoren ADNa
Amatiño
2009/10/09 23:40
Ezin gero orain berrogei urte inguru asmatu, noizbait Bergarako “Seminario”ko eliza itxi egingo zutenik, erdi-erdian zegoen hilobiaren gaineko harlauza jaso eta, azpian zetzan XVII. mendeko jauntxoaren senide ote nintzen ikusteko, ADNa egitea proposatuko zidatenik. Ba ez, ez da zientzia-fikzioa, ezta Toti Lezearen nobela-gidoia ere, gaur goizean bertan, ustekabean, gertatua baino.
Baldintza berdinetan, kanpotarra hobe
Amatiño
2009/10/09 00:44
Zein sektoretakoa izan ote daiteke hamazpi lan-hizkuntzaz aritu ohi den euskal enpresa? Itzulpengintzakoa, atzerritarren harrerari atxikia edo hirugarren munduarekin harreman estuak dituena? Ez ba, industria-sektorekoa da, esku-erremintak egiten ditu eta hogeiren bat herrialde galdutan edo izan ezik, ia-ia munduko estatu guztietan saltzen ditu bere lanabesok. Ega Master deritza, sustraiak Eibarren ditu, enborra Gasteizen eta adarrak munduan zehar. Datorren astean jasoko du Bartzelonan Human Saria “pertsonengan oinarritutako nazioarteko estrategiagatik”.
Euskal lobbya, zaharra berri
Amatiño
2009/10/05 23:20
Patxi Lopez lehendakariak euskal lobbya aldarrikatu du gaur bertan Bruselan, euskal interes ekonomikoak Europako Batasunean defenditzeko. Lobbya, bai, lobbya esan du Lehendakariak eta, badaezpada, baita “hitzaren zentzurik onenean” ezarri ere. Baina, lobbyak ba al du ba zentzu txarrik?