Axular aski litzateke Monteverdi euskaratzeko
Amatiño
2013/06/11 20:00
“Beata Birjinaren bezperak” (Claudio Monteverdi, 1610) kontzertuarekin batera amaiera eman zitzaion, igande iluntzean, Kursaal Fundazioaren denboraldiari. Kritika adituak abesbatzaren (Conductus Ensemble), orkestraren (La Caravaggia) zein zuzendariaren (Andoni Sierra) bikaitasuna laudatu du eta, musika-kontzertuaren maila ez ezik, aipagarri ere agertoki barrenean proiektatu zen Donostiako Artzain Onaren erdiko nabearen argazkia, zeinek, ilunabarrean, atriletan jarritako ipurtargiak lagun, ezohiko giro ederra eskaini zion beti ere hotz samarra den Kursaaleko oholtzari.
Erantzunik ez
Inork ezin du politikarien ordezkatze-funtzioa ordezkatu
Amatiño
2013/06/09 16:20
Segurutik indarrean dugun sistema hobegarri da, bai. Baina, bitartean, guztiak hobeto funtzionatuko luke politikariek euren lana hobeto egingo balute.
Memoria ez da askea
Amatiño
2013/06/07 16:30
Inoiz galdetu izan didate zergatik naizen Athletic-zalea… Auskalo! Ba… 1950eko hamarkadan Bilbo Donostia baino zatia hurrago zegoelako (ez zen autopistarik, ez aldundirik, ez hauteskunderik), industria-harremanak estuagoak zirelako, Athletic-en garaitza-mordoa nabarmen hobea zelako eta, batez ere, Realaren sorraren aldean, Athletic-ek nahi eta itxaro genituen mezuak iradokitzen zizkigulako.
Nafarrak erakartzeko ala arabarrak uxatzeko ote?
Amatiño
2013/06/05 23:55
Inork uste al du Euskal Autonomia Erkidegoak legebiltzar bakar bat eta ogasun bakar bat balitu, arabarrek eta bizkaitarrek hogeitabosna ordezkari izango lituzketela harako legebiltzar bakarrean? Baina, behar bada, helburua ez da nafarrak erakartzea, arabarrak uxatzea baino.
Larrak larritzen, gitxiak arbintzen
Amatiño
2013/06/03 23:35
BH bizikleta-lantegia izan zen, 1959an, Eibartik Gasteiza alde egin zuen lehen fabrika*. Geroztik, ondoko hamarkadetan edozenbat enpresa eta milaka langile joan ziren Arabara (%20) eta Nafarroara (%4,6), lehenik, eta Bizkai (%49,2) zein Gipuzkoa (%20) aldera, gero. Guztira, 65 metal-enpresa dira alde egindakoak eta berrogeita hamarren bat bertan itxi direnak. Oro har, Eibarrek 105 metalurgia-lantegi galdu ditu gerraostetik hona.
Bizkaia apal
Amatiño
2013/06/01 23:55
Atzo goizaldeko ordu txikietan hil zen Kepa Uriarte, azken hiruzpalau hamarkadotan bizkaierak izan dituen irrati-gizon nabarmenetakoa. Euskaldun fededun, abertzale sutsu eta isil-misil, gaur arratsaldean agurtu dugu Bakioko San Pelaio baselizatxoan, Gibelortzaga auzoan.
Hirurogeiko hamarkadako neskaren kronika
Amatiño
2013/05/30 23:55
Idoia Estornés Zubizarretak idatzi du idatzi, eta argitaratu, ia 600 orrialdeko kronika, “60ko hamarkadako neska baten kronika”, 1940an Chilen jaio zenetik 2005 urtean paperezko Auñamendi Entziklopedia sareratu artekoa. Sekulako dokumentua, harribitxi hutsa.
Boto eta eskumen-kontua
Amatiño
2013/05/28 00:05
“Kontua ez da boto gehien nork pilatzen duen, baizik eta eskumena norena den”, adierazi zuen Marian Beitialarrangoitia EHBilduren parlamentariak joan zen ostegunean, Eusko Legebiltzarrean, gainerako alderdiek aho batez bozkatu zutenean atez atekoaren aurka eta bosgarren zakarrontziaren alde. Jo dezagun esaldi berberori gaztelaniaz eta Madrilgo Kongresuan, PPren edo PSOEren ahotan. ‘Tumatxa’, ezta?
Lehen Umeen Euskal Jaiaren kartel-zirriborroa
Amatiño
2013/05/26 00:05
Gaur 48. Euskal Jaia* dugula-eta Eibarren, badirudi ez dagoela, sarean behintzat, 1965an eratu zen lehen euskal jaiaren kartelik. Hala ere, hona non agertu zaidan Sagala artista eibartarrak burutu zuen lehen aurretiazko zirriborroa, Julio Sarasuari eta bioi proposamen gisa aurkeztu zigun aitzinasmoa. "Agertu" esan dut, marko eta guzti 'itxulitzetik' jarria bainuen, nire seme-alabak haurrak zireneko argazkien euskarri.
Industriarik nahi al dugu?
Amatiño
2013/05/24 00:05
Zenbaiten ustez, aspaldiotan ez zaizkio euskal enpresari oro har eta industriari bereziki oinarrizko baldintzak batere errazten. Nahiz enpresa izan, horrenbeste gura ditugun lanpostuak sortzen dituen makina bakarra. Nahiz industria izan, horrenbeste maite dugun ongizatearen eragilerik nabarmenena.