Jainkoaren hatza
Amatiño
2013/09/07 17:15
Tanzaniako Ngorongoro eremuan --eta Serengeti parkean, oro har— bertako masaiek “Jainkoaren atzamarrak” deitzen diete, iluntze aldera, arratseko azken eguzki-izpiak hodeien artean berreiatzerakoan, sortarazten diren argi-errainu sendo samarrei.
Gurean ere badira arratsak, hodeiak, eguzki-izpiak eta lainoarteko argi-errainuak. Ez da, ordea, nik dakidanez behintzat, Jainkoaren atzamarrik.
Aita Barandiaranek esana da “izenik duen oro izan badela”. Sekula ez zuen esan, ordea, izenik ez duena ez denik.
"Jainkoaren hatza", bart, Ilbarritzeko itsasbazterrean (Bidarte)
