Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / ETBren txoria, umezurtz

ETBren txoria, umezurtz

Amatiño 2017/11/26 13:50
Luis Iriondo Etxaniz atzo hil zen, Azkoitian, 86 urte zituela. Kantaria, aktorea, musikagilea, ekoizlea, bikoizlea, irratsaiogilea, komunikatzailea, harremanetan iaioa... ETBren lehen zuzendaria izan zen eta beste edozenbat gauza gehiago. Haren ekimen eta ekintza-zerrendak ez du akaburik.

Zer ez ote zuen gero gure Luisek egin hiruzpalau hamarkada emankorretan! “Los Contrapuntos” kanta-taldearen sortzaile eta abeslarietakoa, 1960an; “Companys, procés a Catalunya” filman Generalitateko presidentaren papera jokatu zuen, 1978an; ETBren “txoriaren” aitapontekoa, euskal telebista 1983an sortu zenean; eta denetariko hamaika ekintzaren bultzagile, 1990 hamarkadan zehar.

Adibide aldera baino ez, 25 inguru filmetan parte hartu zuen, aktore, ekoizle edo musikagile gisa; “Ikuska” sail mitikoaren eragile; “Euskal Idazleak, gaur” eta “Dantzak” liburuen zein Mocedades eta Patxi Andionen (Iparragirre) diskoen ekoizle; Lankide Aurrezkia zenaren publizitate-zuzendari eta Carlos Garaikoetxea lehendakariaren komunikazio-arduradun.

Artista polifazetikoa eta ekile aspergaitza, besteak beste.

Goian bego, Luis. Jaioko dira berriak... bai, baina.

cinema, reestrena de Companys, procés a Catalunya (1979), de Josep Maria Forn  .

Luis Iriondo, Generalitateko presidentarenak egiten. "Companys, procés a Catalunya", 1978.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal