Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibartik / Webgune ala web gune?

Webgune ala web gune?

Asier Sarasua 2007/09/19 13:05

Pentsatzen nuen kontu hau zehaztuta zegoela, eta nik neuk beti erabili izan dut webgune. Euskal webgintzan eta Interneten ere, oro har, webgune nagusitu dela iruditzen zait. Horrela erabiltzen dute (oro har) Erabilik, Goienak, Sustatuk, Uztarriak. eta hainbat erreferentziazko blogarik (besteak beste, Faroa, Gaztelumendi, Mutilmedia, Teknosexua, Jabi Zabala, Irazabalbeitia).

Googlek ere hori dio:

  • Webgune: 417.000
  • web gune: 114.00 sarrera

 

Gainera:

  • Euskaltzaindiaren webgunean bertan ere webgune darabilte. Eta gune partikularen idazkeraren inguruko araua ere hor dago. Laburbilduz: "Hitz elkartuen osaeraz eta idazkeraz emandako 25. arauan, Euskaltzaindiak adierazi zuen bigarren osagaia gune dutenak elkarturik idaztekoak direla."
  • Eizieren webgunean (Euskal itzultzaile, zuzentzaile eta interpreteen elkartea) eta Itzul zerrendan ere webgune erabiltzen da (edo erabili dute). Adibidez: Ongi etorri EIZIEren webgune berrira
  • Ereduzko prosa corpusean ere, 4:1 proportzioan irabazten du webgune idazkerak (88/22).
  • Berriak ere webgune hobetsi du.


BAINA:

Elhuyarrek eta Euskaltermek, erreferentziazko hiztegiek, web gune darabilte, banatuta. Eta hori ez da gutxi.

Arazoa: Hiztegi Batuan ez dago. Zer erabakiko ote du Euskaltzaindiak? Eta noiz?

etiketak:
asier
asier dio:
2007/09/20 14:12

Eskerrik asko erantzunengatik.

Pena: kontrakoen iritzia falta da ... :-)

Datu garrantzitsua Julenek eman diguna: Berriak ere "webgune" hobetsi duela.

Hala ere, garbi daukat Uzeik eta Elhuyarrek ez dutela euren erabakia arin-arin hartu...

Argituko ote da sekula kontu hau?

Julen
Julen dio:
2007/09/19 22:38

@3ARRANO: post honetan bertan komentatzen da zuk diozuna, 25.arauari dagokiona zehazki.

Beste bi datu:

  • Morris hiztegian webgune erabiltzen da.
  • Berriaren estilo liburuan webgune hobesten da.
patxi gaztelumendi
patxi gaztelumendi dio:
2007/09/19 18:48

Web gune edo webgune zehatzago zein den ez dakit. Baina argi daukadana zera da: web orri ez dela. Euskal komunikabideetan ohituegi gauzkate hori entzutera, gaztelaniazko pagina web horren itzulpena, buruz buru.

Zuzen aritzeko website horretatik itzuli beharko genuke euskarara.

Eta orri baino gehiago, orrialdeak dira webguneetakoak.

Internet bera ere, minuskulaz edo gaztelaniaz, zelan erabili ere, ebatzi beharko genuke.

Eztabaida bere lekuan ipini duzu Asier, eta entzuten gaituzten.

Xabi
Xabi dio:
2007/09/25 14:43

nik ere pentsatzen nuen ez zegoela eztabaidarik. Orain arte, "webgune" ikusi dut ia beti, eta horrela erabiltzen dut.

asier
asier dio:
2007/10/09 16:47

Hona hemen "webgune" erabiltzen duten (edo erabili izan duten) blogari ezagun batzuen izenak:

http://patxitrapero.blogspot.com/ Patxi Trapero

http://eibar.org/blogak/gabiria Julen Gabiria

http://eibar.org/blogak/erral Mikel Larreategi "Erral"

http://eibar.org/blogak/luistxo Luistxo Fernandez

http://www.arantzabal.com/ Iban Arantzabal

http://www.goiena.net/blogak/superbai/ Goio Arana

http://www.goiena.net/blogak/klikbikoitza Imanol Soriano

http://www.goiena.net/blogak/patxi Patxi Lurra

http://www.gaur8.info/bitakorak/galaxia/ Haritz Rodriguez

http://www.gaur8.info/bitakorak/hetzordua/ Galder Gonzalez

http://www.asapala.org/mahatsorriak/troka Trokatik

http://karrajua.org/ Benito "Karrajua"

http://www.berria.info/blogak/imanol/ Imanol Murua

http://www.berria.info/blogak/pello/ Pello Urzelai

http://www.berria.info/blogak/eneko/ Eneko Bidegain

http://www.blogak.com/eushacker/ Eushacker

http://www.blogak.com/bewater/ Zirt edo Zart

http://www.blogak.com/martinhalty/ Martin Halty

http://www.blogak.com/garaigoikoa/ Txerra Rodriguez

http://www.euskaljakintza.com/ Euskaljakintza

3ARRANO
3ARRANO dio:
2007/09/21 20:00

Ups... ez nintzen konturatu.

Jabi
Jabi dio:
2007/09/25 12:09

Hasieratik, ia beste inork erabili aurretik eta, noski, inongo hiztegitan argitaratu aurretik, Luistxok eta biok "webgune" erabili izan dugu, ingelesezko "website" hitzaren itzulpen moduan. Egia esan, ordura arteko erabilera kontutan hartu ez izanak moskeatu ninduen pixkat bere garaian baina, besterik adosten bada neu ere prest nago hura erabiltzeko.

Orrialde edo orriari buruz nik oso argi daukat orrialdea dela. Interneten alde bakarra edukitzeak ez du orri bihurtzen, orrialde bakarra baizik. Web page-k ere "web orrialde" esan nahi du, style sheet-ek estilo orria esan nahi duen moduan.

Txopi
Txopi dio:
2007/09/19 21:55

Nik ere "webgune" hitza erabili dut beti eta horretan adostasuna zegoela uste nuen.

Joxe, "web orri" vs. "web orrialde" eztabaidari buruz, iruzkin honetan ikusten den bezala, nik zuk uste duzun berdin-berdina uste dut baina Mutilmediako eztabaida hori izan genuenetik, homogeneotasun arrazoiengatik, nik ere "web orrialde" erabiltzen hasi nintzen.

joxe
joxe dio:
2007/09/19 19:48

Tira Patxi, web orri ere erabil liteke, orri soil bat izendatzeko, ezta? Nik behintzat bai erabiltzen dut: webgunea beraz, web orri multzoa izango litzateke.

Eta orrialde baino, orri erabiltzen dut nik, batetik, laburragoa delako, eta, bestetik, interneteko orriek ez dutelako alderik (esan nahi dut, paperezko orriek dituzten aurreko eta atzeko aldeen modukorik behintzat).

Eztabaida interesgarria, dena den

Txopi
Txopi dio:
2007/09/19 22:22

3ARRANO, Euskaltzaindiaren arau hori Asierrek berak aipatzen du erantzuten ari garen artikuluan. Euskaltzaindiaren webgunean arau hori azaltzen duten orri(alde) baten esteka ere ematen du ;-)

3ARRANO
3ARRANO dio:
2007/09/19 22:03

Orain ez dut lotura eskura, baina Euskaltzaindiaren arau bat da hitz bat "gune"rekin elkartzean hitz bakarra sortzen dela beti: soilgune, industrigune, webgune.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Eibar, Euskalkia, Etnografia, Natura

Asier Sarasua Aranberri

(Eibar, 1969). Blogroll ibiltari bat naiz.

 

Blog honetako testu guztien lizentzia: Creative Commons by-sa.

Somerights20

 

Sarean

Asier Sarasua Aranberri Twitter

Asier Sarasua Aranberri Flickr

Asier Sarasua Aranberri Facebook

Lehen Hitza Euskaraz

Azken erantzunak
Uste dot gustatuko jatzula, Jon. Rulforen ipuin ... Asier Sarasua, 2018/10/14 12:52
Eskertzen diat informazioa. Bilatuko diat ... Jon Etxabe, 2018/10/12 09:52
Eskerrik asko Serafin! Tarteka, behintzat, eitten ... Asier Sarasua, 2018/10/02 21:26
Mendi kronika zoragarria Asier Serafin, 2018/10/01 18:21
aupa "Sorbeltz", bai, badakit izen horren ... asier, 2018/07/21 17:44
Txori ezberdinez hari zarela uste dut... Abijoia ... Sorbeltz, 2018/07/20 17:35
Bai, biharrian be jardun genduan horretaz. Baina ... Asier Sarasua, 2018/05/09 21:24
Eta Mutiola lehen "Barrencalle" izena zekan??? ... Oier Gorosabel Larrañaga, 2018/05/09 19:33
Gráficas Eguren inprimategiko produktuen itxura ... Luistxo Fernandez, 2018/05/03 09:19
eskerrik asko Haritz! Asier Sarasua, 2018/04/20 17:20
Monthly archive
2004 2005 2006 2007 2008 2009 2010 2011 2012 2013 2014 2015 2016 2017 2018