Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibartik / Ni ez naiz Asier Sarasua Garmendia

Ni ez naiz Asier Sarasua Garmendia

Asier Sarasua 2007/07/18 21:35

Orain dela 20 urte matrikulatu nintzen unibertsitatean, 1987ko uztailan, Leioako Zientzia Fakultatean, Biologia ikasteko asmoarekin. Irailan eskolak hasi eta sorpresa bat izan nuen: nire gelakide bat ere Asier Sarasua zen. Kontxo! Kasualidadia!

Karrera amaitu eta gure ibilbideak banatu egin ziren. Ni, han eta hemen ibili eta gero, filologia ikasten hasi nitzen. Halako batean enteratu nintzen, bera Gasteizko udaletxean zegoela lanean.

Mundua txikia da, baina, eta 20 urtera gure bideak berriro batu dira. Internetek batu gaitu. Ni Codesyntaxen nago, eta Interneteko zenbait proiektutan sartuta (Ahotsak, Umap, EibarOrg...). Bera ere informatikaren eta Interneteko saltsetan sartuta dabil; batez ere, Euskalbar garatzen jardun duelako ezagutuko du jendeak.

Eta kontua da, nahastu egiten gaituztela. Azken urtean 2-3 e-mail jaso ditut beretzat zirenak eta kalean ere "aupa Asier!" sutsuegi batzuk ere jaso ditut. Berari ere antzekorik gertatuko zitzaioan, beharbada. Gainera, pare bat posta-zerrendetan (ItzuL, Librezale...) biok gaude harpidetuta, eta nahastea ez da zaila.

Xabier Mendigurentarrek egiten duten bezala, bigarren abizena erabiltzen hasi beharko ote dugu? Asier Sarasua Garmendia; Asier Sarasua Aranberri. Amak pozik egongo dira.

Ez, ni ez naiz Asier Sarasua Garmendia. Nik ez dut garatu Euskalbarra. Lan guztia berak egin du, ez niri berriro eskerrik eman :-)

Eguneraketa (2014). Twitterren gaude: bera @asiersar eta ni @asarasua. (eta beste bi: @assarasua eta @teojeep).

etiketak:
asier
asier dio:
2007/07/19 18:11

Mendiguren jauna!

Tu cuoque fili mei? :-)

assar
assar dio:
2007/07/19 19:01

Beno, ba nik ere nire "kurrikuluma" kontatu beharko dut, ezta? Zurearen modu berean hasten da:

"Orain dela 20 urte matrikulatu nintzen unibertsitatean, 1987ko uztailan, Leioako Zientzia Fakultatean, Biologia ikasteko asmoarekin. Irailan eskolak hasi eta sorpresa bat izan nuen: nire gelakide bat ere Asier Sarasua zen. Kontxo! Kasualidadia!"

Gero gure ibilbideek gutxitan elkar topatu zuten (noizbehinka norbait nahasten bazen ere) :D.

Hamar urte dira Gasteizko Udaleko Ingurugiro Gaietarako Ikastegian egiten dudala lan.

Behin, mundu guztiak noizbait egiten duen bezala, nire izena Googlen bilatu nuen. Orduan konturatu nintzen zu ni baino askoz gehiago agertzen zinela, eta horrek ezin zuela izan eta zerbait egin behar nuela erabaki nuen ;). Denok dakigun bezala, Interneten agertzeko biderik azkarrena euskaraz zerbait egitea da, eta horregatik erabaki nuen Euskalbarren garapenean sartzea. Hori bai, nik ez dut lan guztia egin, ideia Juanan Pereirak euki zuen, gero nik jarraitu nuen eta orain Julen Ruiz Aizpuru eta biok ari gara.

Eta azken apunteak:

  • Ni ez naiz Eibarkoa, Eubakoa (Zornotza) baizik
  • Ez naiz Euskaltelen bezeroa
  • Nire identitateak hauek dira: assar Sustatun eta Librezalen eta asiersar Zabaldun (assar hartuta zegoen)

Euskalbarri dagokionez, urte hasieran esan nuen ez nuela horretan gehiago lan egingo, baina "monoa" sartu zait eta berriro ari naiz. Ia udazkenerako zerbait ateratzen dugun...

xme
xme dio:
2007/07/19 11:56

Ba, jakingo bahu nik zenbat famatu haudan euskalbar-eko zera horregatik!

Nire lankideak hiztegi pila firefox-en kontsultagai izate horrekin zaletu zirenetik, bati baino gehiagori esan zioat: "bai, motell, eibartarra duk hori egin duena, Fernandezekin-eta dabilena, mutil jatorra, nire laguna..."

Lan hori heuk egin ez baduk, beste izendapen guztiek zutik zirautek. Eta A. S. Garmendiari zorionak, bere lanagatik.

Xabier Mendiguren Elizegi

Luistxo
Luistxo dio:
2007/07/19 15:41

Fernandez ere, Interneten hasi zenean duela 11 bat urte... beste tokaio batekin ez nahasteagatik, orduko Athleticeko entrenatzailearekin, Luis barik Luistxo hobe izango zelakoan hasi zen, familia barruko izena berreskuratuta.

Horrez gain, beste identidade dexente argitu beharko dituzue... asarasua abildua euskalnet ze Sarasua da? Assar, asar, asarasua, sarasua, asier... hortik aurkitzen zaituztegunean del.icio.us, Zabaldu eta abarretan, nor da nor?

asier
asier dio:
2007/07/19 17:44

jodé, Luistxo, lehendik be nahikua zabor jasotzen dot nere e-postan! (euskalneteko hori neria da).

Identidadien kasuan, ni neu, behintzat, (ixa) beti naiz "asarasua"; baina bera be bada "asarasua" beste kasu batzuetan :-)

Hortik aurrera? Mixterio... zuek deskubridu biharko dozue.

Goio
Goio dio:
2014/10/24 18:11
Hemen ez dago ulertzerik! Baina, Jon Sarasua zuon bietako zeinen anaia da?
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Eibar, Euskalkia, Etnografia, Natura

Asier Sarasua Aranberri

(Eibar, 1969). Blogroll ibiltari bat naiz.

 

Blog honetako testu guztien lizentzia: Creative Commons by-sa.

Somerights20

 

Sarean

Asier Sarasua Aranberri Twitter

Asier Sarasua Aranberri Flickr

Asier Sarasua Aranberri Facebook

Lehen Hitza Euskaraz

Azken erantzunak
Uste dot gustatuko jatzula, Jon. Rulforen ipuin ... Asier Sarasua, 2018/10/14 12:52
Eskertzen diat informazioa. Bilatuko diat ... Jon Etxabe, 2018/10/12 09:52
Eskerrik asko Serafin! Tarteka, behintzat, eitten ... Asier Sarasua, 2018/10/02 21:26
Mendi kronika zoragarria Asier Serafin, 2018/10/01 18:21
aupa "Sorbeltz", bai, badakit izen horren ... asier, 2018/07/21 17:44
Txori ezberdinez hari zarela uste dut... Abijoia ... Sorbeltz, 2018/07/20 17:35
Bai, biharrian be jardun genduan horretaz. Baina ... Asier Sarasua, 2018/05/09 21:24
Eta Mutiola lehen "Barrencalle" izena zekan??? ... Oier Gorosabel Larrañaga, 2018/05/09 19:33
Gráficas Eguren inprimategiko produktuen itxura ... Luistxo Fernandez, 2018/05/03 09:19
eskerrik asko Haritz! Asier Sarasua, 2018/04/20 17:20
Monthly archive
2004 2005 2006 2007 2008 2009 2010 2011 2012 2013 2014 2015 2016 2017 2018