Toribio Etxebarria
Gaur apirilak 18. Efemeride ugari dituen eguna. Besteak beste, 1968an Toribio Etxebarria idazle eibartarra hil zen Caracasen.
Eta bueno, urtebete beranduago, 1969ko apirilaren 18an ni neu jaio nintzen. Nire eguna da gaur, beraz, eta nire eguneko opari moduan-edo, hementxe, Toribioren biografia labur bat.
Uda aurretik kaleratuko da Viaje por el pais de los recuerdos liburuaren hirugarren edizioa, eta argitalpen horretarako sarrera bat eskatu zidaten: idazlearen biografia, pentsakera, bere idazlanen laburpena...
Ahal dudana egin dut. Beharbada sakonegi ez, alderdi literariotik begiratuta kaskarra, baina maitasun osoz egindakoa, hori seguru, San Toribiok hori eta gehiago merezi du eta.
Ez da asko, baina hor egongo da, liburu horretan, eta hemen ere bai. Oraindik PDF formatuan. Testura pasatzea ere espero dut. Astirik?
Hemen dago:
Toribio Etxebarria
(oh.: ez dut nahita egin, baina hauxe da blog honen 100. mezua; eta 100. mezu hau ere Toribiori eskaintzen diot, eta batez ere berak egindako lan handiari, zelan ez)
Eskerrik asko, bihotzez. Eskerrik asko danori.
Mendigreen, Beasaingo batzarreko zerbezak nere kontu.
Serafin, eskerrik asko lorengaittik, eta zure galderiari erantzuten: bai, hitzaurria euskeraz bakarrik.
Eta Julen: ni be poztu nitzan domekan ezagutziakin; ia hurrengo baten lasaixago garen. Hainbeste jendekin ni galduta ibiltzen naiz, lehenengo bata, gero bestia, ondoren hirugarrena, baina azkenian ezin inokin egon. Hurrengo bat be egongo da.
Eta bestiori be, eskerrik beruenak, benetan.