Tertuliakideen lilurak, menturak eta kalenturak
Amatiño
2009/02/11 23:59
Gezurra dirudien arren, Joxemiel Barandiaranek eta Koldo Mitxelenak baretu zidaten neri Oteizaz nuen lilura galanta. Hainbat urtez uste izan nuen Oteiza erabateko jeinua zela. Guztiaz zekiela, alegia: eskulturaz, arkitekturaz, diseinuaz, estetikaz, filosofiaz, poesiaz, paleontologiaz, arkeologiaz, linguistikaz, filologiaz eta beste hainbat gauzaz. Baina ez zen nonbait egia.
Erantzunik ez
Demokrazia errepresentatiboa
Amatiño
2009/02/10 00:01
Segurutik demokrazia da giza-zibilizazioak asmatu duen sistemarik justuena. Baina, hau egia izanik, egia ere bada, gizarte aurreratuak burutu duen demokraziarik landuena demokrazia errepresentatiboa dela. Eta hau gogoratu beharra dago, hauteskunde-girotan esaterako, ordezkariak hautatzeko orduan hain zuzen ere.
Belaunaldi-txandarik eza
Amatiño
2009/02/08 11:00
Euskal Herriko Txirrindulari Itzulia eta Euskal Bizikleta urtero eratu ohi dituzten antolamenduak bildu dira azkenik, hainbat urteko konponezinen ondotik, bi txirrindu-lasterketez bat egin eta aurrerantzean elkarrekin jardun ahal izateko. Egitasmo bateratu honek Eusko Jaurlaritzaren zein ETBren onespena du. Publizitate paraofizialak ere pozarren hartuko du erabakia.
Txapela buruan, nagusi Erroman
Amatiño
2009/02/04 23:34
Sabino Arana Fundazioak aurreko larunbatean saritu zituenen artean aipagarri, besteak beste, Roger Etxegarai (Ezpeleta, 1922) kardinala, bakegintzan zein hitzarmenetan egindako lan eskergarengatik.
Katrin
Amatiño
2009/02/03 00:01
Zortziki hau Katrin Gesalaga Aranberri da. Hogeita lau ordu ditu kakanarroak eta 2,450 kilo besterik ez. Uste baino hilabete lehenago jaio da, hegaztadaren letxe, batere arazorik gabe eta erraztasun handiz. Aitaren antza omen du eta, itxura denez, baita amaren presak ere. Aittitta urbitsetan.
Bapo eta papo
Amatiño
2009/01/31 20:52
“Bapo” ez da seguru asko gaur egun euskal erarik erabiliena, “bon”, “vale”, “conforme” eta honelako erdal molde berriagoek ordezkoarenak egiten asmatu baitute eta haren lekuaz jabetu. Hala ere, barrena laupabost mende zahar den hitz hau Bizkai, Nafarroa, Gipuzkoa zein Iparraldeko euskara xumean agertzen da. Baita Arratetikuen izketian ere.
ARGIAren 1919-2009 argiurrena
Amatiño
2009/01/30 00:54
Laurogeita hamar urte, aurten, kaputxinoek “Zeruko Argia” izeneko erlijio-aldizkaria sortu zutela Iruñean. Laurogeita hamar ez dira gero artalak. Segurutik berau dugu ehundaka kilometroren bueltan astekaririk zaharrenetakoa. Nekez azaldu daiteke gero euskal kazetaritzaren historia “Zeruko Argia” aipatzeke.
Argindar-hornikuntzaren bermea
Amatiño
2009/01/28 00:11
Lau egun argindarrik gabe iraun behar izana ez da inondik ere normala bere burua lehen mundutzat duen gizartean. Hala ere, holaxe dirau oraindik ere zenbait familiak euskal iparraldean zein hegoaldean.
Iñuzente-aurpegia
Amatiño
2009/01/27 14:50
Euskal gizarteak ekologistatzat du bere burua. Gure ingurumen-sentsibilitatea handi samarra omen da. Edo beste modu batez esanda, hau entzuten diharduzuen guztiok uste duzue, zuek ingurugirozale amorratuak zaretela eta kontra daudenak, berriz, besteak direla. Errua, beti, besteena izaten da.
Petrolio-erreserben bi heren publikoak dira
Amatiño
2009/01/25 01:20
Evo Moralesek amaitutzat jo du orain bi urte t´erdi hasitako gasaren nazionalizazioa. Konstituzio berriaren erreferendumaren bezperetan, boliviar presidenteak orain arte britainiar eta argentinar kapital pribatuarena izandako Chaco enpresa bereganatu du. Oposizioak “elektoraltzat” salatu du erabakia.