Ez dira santuak
Amatiño
2013/08/04 23:30
Gaueko bederatziak eta hamar minutu. Leireko “Konpletak” hasteko ordua. Elkar ezagutzen ez dugun lau gizonezko zain gaude isil-isilik, ilunabar erromanikopean, noiz klausura-atea irekiko eta beneditarrak elizaratuko. Bost bider egin ohi dute, egunero, sartu-irtena: maitinak (6:00), laudak (7:30) meza (9:00), bezperak (19:00) eta konpletak (21:10). Agertu orduko, ordea, 21:16ak dira. Bistan da ez direla perfektuak. Ezta, beraz, santuak ere.
Erantzunik ez
Langabezia-datuak, txarrak; baina ez txarrenak
Amatiño
2013/08/02 22:00
Bizi dugun giro ezkorrari jaramon eginez gero balirudike sekula aurretik ez dugula egungoa bezainbateko egoera txarrik ezagutu baina, langabeziaren datuei bagagozkie behintzat, 1998ko maila berean gaude; eta, ahaztu egin zaigun arren, 1981etik 1997ra bitarteko hamazazpi urteetako datu guztiak oraingoak baino nabarmen eskasagoak izan ziren.
Aita Santua, Brasilen, ospakizunik ospakizun
Amatiño
2013/07/31 23:30
Aita Santua Brasilen izan berri da eta, itxura guztien arabera, pozarren eta arrakasta handiz, etenik gabeko ospakizunetan aritu baita, egunak joan eta egunak etorri. Sekulako jai-giroa gero, denetariko bilerak, batzarrak, bisitak, jardunaldiak eta mezak “ospatu” behar horretan.
Basque Culinary Center-en “hamaiketakoak”
Amatiño
2013/07/29 23:30
Donostiako Zinemaldia zein Jazzaldia ez dira, behar bada, munduko zinemaldirik eta jazzaldirik onenak baina bai, segurutik, ikusentzulerik gehien eta kale-girorik jendetsuen lortzen dituztenak. Eta, azken bolada honetan, gero eta gastronomiari atxikiagoak, gainera, Basque Culinary Center-en “hamaiketakoak” lekuko.
Sylvain Luc-en eta Jean-Marie Ekairen arteko bat-batekoak
Amatiño
2013/07/27 16:15
Donostialdea Jazzaldian murgilduta dagoen asteburu honetan eratu da, Hendaian, “Guitaralde” deritzon gitarra-jaialdiaren hiru eguneko egitaraua, 2005etik hona urtez urte gorantza datorrena. Besteak beste, Santiago egunez, Sylvain Luc baionarrak aparteko saioa eskaini zigun, zer esanik ez, amaiera aldera, Jean-Marie Ekai lohitzundarraren laguntzaz. Eskerrik asko bioi.
Euskaldun muturdun
Amatiño
2013/07/25 23:00
Lan-kontuak direla eta, hots egin didate telefonoz Valladolidetik. Entzun beharrekoak entzun ondoren, diotsat: “oso ondo, baina gaur jai da eta bihar erantzungo dizut”. Eta diosta: “Jai? Nolatan jai? – “Bai, Santiago…” – “Sí, si… Santiago y cierra España, qué morro tenéis los vascos!”
Eta nork defendituko du hurrengo belaunaldia?
Amatiño
2013/07/23 14:55
Inork uste al du enpresak ito lehenik, merkatutik uxatu gero, eta itxi azkenik, langileen mesedetan izango dela? Benetan? Seguru ez dela hurrengo belaunaldiaren bizkar izango? Ondo dago jasangarritasuna, iraunkortasuna, “deshazkundea” eta horrelako hitz potoloak aldarrikatzea baina… norberaren burutik hasiko bagina?
Borodinen notturnoaren kimika
Amatiño
2013/07/20 12:25
Alexander Borodinena da musikaren historia guztian zehar burutu den notturnorik ederrenetakoa. Borodinen erestia polita da aurrenengo bider entzuten denean; plazerra, bigarrenean eta bekatu larria, berriz, hirugarrenean. Merezi du.
Erregai fosilen iraultza
Amatiño
2013/07/17 23:40
Munduko energia-alorrean ari da gertatzen petrolioa aurkitu zenetik honako iraultzarik handienetakoa eta, nago, euskal gizartean ez dugula hartaz ezer jakin nahi. Baina, nahita edo nahiezta, datorrenak gure bizitza aldatuko du eta... gero gerokoak. Norberak jakingo du erabakiak denboraz hartu beharko diren ala, beste behin, ostrukarenak egitea merezi izango ote.
Frida Khaloren abata
Amatiño
2013/07/15 12:00
Erti-iraultzaileak ere musak behar izaten ditu, nolabaiteko abatak edo apeuak, eta are gehiago, segurutik, uda-giroko pintura-erakusketek. Horra, adibidez, Frida Khaloren irudia Miarritzeko mexikar erti-erakusaldiaren deigarri eta erakargarri…. Nahiz gero, harenik, dozena erdiren bat margolan besterik aurkitu ez ahal izan bertan.