Lekeitioko Lazunarria
Amatiño
2021/09/29 08:55
Lekeitioko Garraitz uhartea ez da euskal itsasbazterrean dagoen irla bakarra, baina bai lehorretik bertaratzeko bakanenetakoa. Marea noiz jaitsiko zain egon baino ez dago, Lazunarria zeharkatzeko. Eta, jakina, marea igo ostean, ez dago irlatik oinez ateratzerik berriro itsasaldia jaitsi eta malekoia agertu arte.
Erantzunik ez
“Maixabel”
Amatiño
2021/09/26 10:50
Euskal Zineari Irizar Saria irabazi du bart “Maixabel” filmak, Donostiako 69. Zinemaldiaren baitan. Saria sari, gaur eta hemen, gurean, Euskal Herrian alegia, ikusi beharreko filma. Nekez egin diezaioke inori kalterik. Barne-minik, oinazerik edo saminik bai, apika; sekula ez, ordea, kalterik.
Larrugorritan
Amatiño
2021/09/23 00:15
Egunen batean ohartuko gara buztinezko euskarritan jasotako jauregia eraiki dugula. Eta, denboraz konturatzeko gauza ez bagara, inoiz helduko da belaunaldi berria, egiari zor, batere lotsarik gabe, salatuko duena, Andersenen errege biluziaren ipuinean moduan: “baina, larrugorritan doaz-eta!”
Landarbaso, Donostia berdea
Amatiño
2021/09/20 00:10
Landarbaso da, segurutik, Donostiako ingurune naturalik nabarmenenetakoa. Errenteriaz, Hernaniz eta Astigarragaz inguratua izan arren, lurrez da donostiar auzoa (barrendegia), XV. mendetik edo, nonbait. Donostia “kalea” baldin bada, Landarbaso, berriz, mendia, basoa, izena berak dioenez. Hiri berbera, bi mundu.
"Suaren froga", XVI. mendeko historia nobelatua
Amatiño
2021/09/17 23:55
Joanes Lopez Zeraingoa (Zerain, 1488 – Granada, 1530) izan zenik ere ez genekien oraintsu arte. Patri Urkizuk haren aipamena aurkitu zuen ezustean “Erasme et l’Espagne. Recherche sur la vie spirituelle du XVI siècle” (Marcel Bataillon, 1957) tesian. Han-hemenka tiraka hasi eta burutu ahal izan du, datuz eta fikzioz, “Suaren froga” izenburupeko historia nobelatua.
Joseba Arregi: ‘Gaur Egun’ euskaraz izan zedin ordenatu zuena
Amatiño
2021/09/14 20:55
Bart hil da Joseba Arregi. Albistea sarean barreiatu da goizean goiz, irrati-telebistek ahal bezain laster eman dute heriotzaren berri eta biharko egunkariek, era batez zein bestez, hainbat informazio eta iritzi eskainiko dute hartaz. Nekez jasoko, ordea, Joseba izan zela ‘Gaur Egun’ euskaraz izan zedin proposatu zuena.
Nora bere noraezean
Amatiño
2021/09/12 00:25
Ane Pikaza sinesgarria da bere bakardadean. Bere osteratxoa, berriz, naif samarra, motela, borondatetsua. Beragarria, agian, baina inondik ere ez hunkigarri edo zirraragarria. Gehiegikeriarik gabeko euskal paisaia, euskal aktore ezagunen zerrenda, musika hurbila, laueleduna… euskal publikoa bereganatzeko moduko faktoreak dira.
Zulo beltzetik galaxiarik zabalenera
Amatiño
2021/09/09 09:00
Zazpi euskal opera konposatu ziren 1909-1920 bitarteko hamarkadan. Ondoko mende osoan, bat baino ez (Gernika. Escudero, 1987). Adituek jakingo dute zelan kalifikatu azken ehun urteotako euskal musikaren balantza, baina operaz, behintzat, hutsaren hurrengoa, zulo beltza. Iluntasun hori argitzera datorren izpia da "Maitena".
Marroia, jatorrizko larru-kolorerik benetakoena
Amatiño
2021/09/07 09:05
Zenbat buru hainbat aburu dio esaera zaharrak, eta hain zaharra ez denak, berriz, zenbat gustu hainbat zapore, edota zenbat gustu hainbat kolore. Baina, dena ez da gustu-kontua, ez da estetika soila. Horrez gainera badira, joerak eta modak ere, jatorriak eta istorioak.
Ni naiz naizena
Amatiño
2021/09/04 23:50
“Yo soy el que soy” antzerki-saioaren formulak aurreneko minututik funtzionatu ez ezik, azken momenturaino eutsi ere eusten dio goiari, eta egiazko historiaren protagonista beraren hausnarketa pertsonalaz amaitu. Hasi eta buka, benetan ziraragarria