Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Jaiotzez nafarra, adimen artifizialaren aitona

Jaiotzez nafarra, adimen artifizialaren aitona

Amatiño 2022/08/16 09:30
Santiago Ramón y Cajal (Petilla, 1852 - Madril, 1934) mediku eta zientzialari nafarrak landu zituen, estreinako, neuronen izana eta izena. Zientzia unibertsalak aitortzen dio neurozientziaren aitatasuna.

Adimen artifiziala neurona artifizialetan (perzeptroiak, 1957) oinarritua dago. Neurona naturalak 1888an aurkitu eta izendatu zituen estreinako Santiago Ramón y Cajal zientzialari nafarrak eta, 1891 urtean, “neuronen doktrina” formulatu. Nobel Saria jaso zuen 1906an eta, geroztik, “neurozientziaren aita” da. Hartara, neurona naturalen aurkitzailea izanik eta neurozientzia osoaren sortzaile, nekez ukatu ahal izango dio inork, barrena, neurona artifizialen aitonatasuna.

Zenbaitek esango du hau guztia “bilbotarkeria” baino ez dela. Baina zalantza gutxi gero, Santiago Ramón y Cajal, herririk herri ibili behar izaten zuen Justo Ramón mediku zirujau huescatarraren semea izan beharrean, Oxforden* ikasitako britainiarra izan balitz, inok ez lukeela hitz erdirik ere kontra esango.

Beste kontu bat da, aragoiarrek ez dutela Ramón y Cajal nafartzat jotzerik nahi izaten, ia-ia ezustean baino ez baitzen Petillan jaio, eta pare bat urte besterik ez bertan bizi… baina hori, gustuko ala ez, honezkero konponbide zaila duen gertakari historikoa da.

* Neurozientzietan doktoratu euskaldunik bada, hala ere, Oxforden bertan.

Neuronak
Goian, neurona naturala, Ramón y Cajalen arabera. Behean, errepikapen artifiziala.
Oier G
Oier G dio:
2022/08/19 13:24
Hara, ez najenkixan naparra zanik. Ramon y Cajal ezusteko lekuan topau najuan oin dala gitxi, "Junta para la Ampliación de Estudios" erakunde interesgarrixian. https://eu.wikipedia.org/[…]/Junta_para_Ampliaci%C3%B3n_de_Estudios Ezagutuko dok igual: XIX mende amaierako intelektual progresistak bultzatutakua, Espainiako zientzixiari bultzakada haundixa emon jetsan, harik eta gerra zibillian golpistak bereganatu juen arte. Cajal hueskar-naparra izan zuan lehendakari hil arte, eta ostian euskal-madrildar batek hartu jetsan lekukua, Ignacio Bolibar Urrutiak.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal