Kutxen eta txakolinen muga beretsuak
Amatiño
2010/12/11 00:10
BBK eta Vital Kutxa batzekotan ari omen dira harremanetan. Gipuzkoako Kutxa, aldi berean, albora begira, ez ikusi egiten. Hiru kutxek erakunde bakar bat osatzeko ideiak hogei urte ditu. Geroztik, ezer gutxi aurreratzeko gauza izan diren bitartean, Nafarroako CANa eta Kataluniako La Caixa, besteak beste, hazi baino ez dira egin urtez urte. Kutxei txakolindegi-kultura darie.
Erantzunik ez
Durangoko Azoka, 1975: Mirèio
Luistxo Fernandez
2010/12/09 00:12
Beti harritu izan naute liburuak urtean behin baino erosten ez dituztenek. Bai duela 35 urte eta zer esanik ez orain. Nola arraio aukeratu? Nola egoki samar hautatu? Urtean zehar han-hemenka pikatzen zail baldin bada… zelan demontre asmatu Durangoko bazar garau, jori eta sakabanatu horretan?
Xabierren gorazarrez
Luistxo Fernandez
2010/12/08 00:05
Xabierren heriotzak Euskal Herritik 11.000 kilometrora harrapatu nau. Beste giro batean, beste zeregin batean, beste mundu batean. Xabier, gure Xabier, "Luis Alberto" maitekiro deitzen zidan bakarra. Duela ia berrogei urte molde horri ekin eta oraintsu arte jarrai, besterik ez balitz bezala. Behin esan zidan "milonga" izena nuela. Segurutik arrazoi zuen baina iragazki poetikoa berak ezartzen zuen. Ez dit sekula gehiago inork horrela deituko. Ez behintzat maitasunez.
Sarituak Ega Master eta Galdakao Ospitalea
Luistxo Fernandez
2010/12/06 16:18
Gasteizko Ega Master enpresak eta Galdakao-Usansolo Ospitaleak jaso dute, Mar del Platan amaitu berri den Iberoamerikar Gailurraren baitan, Iberoamerikar Kalitate Saria. Garaikur hauek Europan eratu ohi diren EFQM sarien kideko dira, baina Hego Amerika, Espainia eta Portugal herrialdeetako enpresei eskainiak.
ETB, 23:30
Amatiño
2010/12/03 23:30
Ikusentzulerik gehienentzat, garrantzitsuena ez da Euskal Telebistaten kate bakoitzak egunean zehar eman ohi duen ordu erdiko informazio politikoa, gainerako hogeita hiru ordu t´erdiak baino. Audientzia-gunea hor dago. Eta honetaz ez da eztabaida latzik sumatzen, ez haserre-hotsik entzuten, ez ezer.
Saritua Ega Master enpresaren belaunaldi-txandaketa
Amatiño
2010/12/01 23:45
Iñaki Garmendia Urkizu Gasteizko Ega Master enpresaren zuzendari gerenteak jaso zuen atzo Iruñean, Felipe Printzearen eskutik, Espainiako Enpresari Gazteen Konfederazioak urteroko eskaini ohi duen “Belaunaldi-txandaketa” saria.
Matxismoa ote?
Amatiño
2010/11/29 23:55
Ez nuen telefono-zenbakia gorde, ez nuen-eta deitzeko asmorik urriena ere. Nere Jekyll-alderdiaren iritziz, honezkero ez nago txorakeriatarako, eta Hyde-aldearen ustez, berriz, zahartxoegia zen. Ez dut ordea sekula jakingo zer esango ote zukeen Jekyll-Hyde bikoteak Mallorcako estetizistak 35 urte izan balitu. Hau matxismoa al da?
Euskal historiografiaren heldutasunik eza ote?
Amatiño
2010/11/27 23:45
Elena Barrenaren argudioek dezente landuak ematen duten arren, ez dut nik esango nork duen arrazoia, ezta Eusko Jaurlaritzaren zein Gipuzkoako Diputazioaren turismo berripaperak eta bide-bazterretako seinaleak aldatu behar direnik aldarrikatuko ere. Baina, gutxienez, zilegi bekit esatea Jose Luis Orellaren isilunea harrigarria dela, eta honelako jokaerek, euskal bibliografiaren heldutasuna zalantzan jartzeaz gainera, ez dutela Orellaren beraren azterlana leku onetan uzten.
Ama Extremadura
Amatiño
2010/11/25 23:30
Espainiako Konstituzioa onartu zutenean, 1978an, extremadurarren artean inor gutxik izan zuen gogoan noizbait etorri zitekeen autonomiarik. Zer zenik ere. Eta, zerbait izatekotan, euskaldunen eta katalanen amets gaiztoren bat edo. Gaur egun, ostera, ikaragarri zail da aurkitzea Extremadura osoan autonomiaren aurka hitzegingo duenik. Atzo bertan, Cáceresen, alboan izan nuen senatari-ohi sozialistak zioenez: “Autonomia da Extremadurak azken ehun urteotan izan duen gauzarik onena.”
Mendi-bizikletaren bakar-garaiak
Amatiño
2010/11/23 23:30
Ibilaldi guztietatik bizkorrenetakoa, seguru asko, Oiz gailur gainetik Trabakuarainoko maldan beherako jaitsialdia. Jaitsi eta jaitsi eta jaitsi, eten barik jaitsi, aspertzeraino jaitsi, batere pedalkadarik gabe, besoak eta eskumuturrak minduta, ipurdia estutu, mingaina hortzez josi eta kokotsa noiz hautsiko, jaitsi. Mundiala. Sekula “mendi errusiar” hoberik!