Energia-mota guztiak beharrezko eta denetarik gehiago
Amatiño
2011/03/31 00:05
Energia-iturri guztiek –petrolioa nahiz berriztagarriak izan— gero eta eskabide gehiago izango dute hurrengo urteetan. Hau da, oro har, Energiaren Nazioarteko Agentziak 2035 urterako argitara eman berri duen iragarpenik adierazgarriena. Beste modu batez esanda, hurrengo belaunaldiak orain indarrean dauden energia-mota berberak behar izango ditu eta denetatik gehiago.
Erantzun bat
Kazetaritzaren garai-aldaketa
Amatiño
2011/03/29 00:05
Aitortu dezadan aurretik ni ez naizela Iñaki Gabilondoren zale –hemen aipatu beharrik ez dauden arrazoiengatik-- eta gustatu ere ez zait lar gustatu izan bere kontatzeko hainbat era eta molde; baina aldi berean onartu behar, ordea, kaleratu berri duen liburuxka laño, xume eta erraza biziki interesgarria dela, benetan konplexu samarrak diren gaiak nolabaiteko arintasun didaktiko handiz laburbiltzen bai baititu.
Gauzak dagozkien izenez aipatzeko beldurra
Amatiño
2011/03/27 00:05
Barneyren munduan denetarik dago: kemen gutxi, lagunak urri, ardura eskas, iruzurra dezente, mozkorraldi asko eta burugaltze nabarmena. Baina inork ez ditu jarrera edo egoera horiek dagozkien izenez bataiatzen: alferkeria, leialtasunik eza, gezurra, alkoholismoa, Alzheimerra… Nonbait Barneyren mundua ez da Barneyrena soilik.
Elkarri begiak ikusteko nazioarteko topaketa
Amatiño
2011/03/25 00:05
Asteazkenetik larunbatera bitartean Barakaldoko Erakustazokan (BEC) eratzen ari da Ferroforma. Koloniakoarekin batera (txandaka, bi urtetik behin), Bilboko hau da munduko burdindegi eta brikolaje topaketarik garrantzitsuena. Hogeita bederatzi herrialdetako 567 enpresa bildu dira euren ekoizpenik esanguratsuenen berri emateko eta bertatik bertara azaltzeko.
Gipuzkoaren hirugarren ardatza
Amatiño
2011/03/24 00:05
Errepide-mapak kontakatilu samarrak gertatu ohi dira, errepide berriak egin ahala eraberritzen ez baldin badira berehala zaharkituak geratzen dira-eta. Honelako zerbait gertatu zaio Gipuzkoako Aldundiak argitara eman berri duen errepide-mapari, azken urteotan nahiko ondo dagoen bidea marraztea ahaztu baitzaio. Edo, behar bada, ahaztu nahi izan du, "Gipuzkoako biribilgunea"ri darion leloa ez izorratzearren.
Errua, lobby nuklearrarena
Amatiño
2011/03/23 00:05
Eusko Jaurlaritzak 2002an burutu zuen Energia Eolikoaren Lurralde Egitasmoak 2010erako 624 MW indarrean jartzea zuen helburu. Epea amaitu baino urtebete geroago, haize-errotek eragindako indarra 153,5 MW besterik ez da, uste zenaren %25 baino ez. Baina, hori bai, hemen denok gara antinuklearrak, energia fosilen aurkakoak eta berriztagarrien aldekoak. Gora gu eta gutarrak.
Ogia: baserrikoa ala teknikoa ote?
Amatiño
2011/03/21 11:00
Gauza jakina da. Behingoz normalduko bada, euskarak gizarte moderno eta garatuaren esparru berriak landu beharko ditu. Jakinekoa, baserri-euskara, euskara teknikoa, jendarteko erabilpena eta kontu zahar horiek.
Vicente Vallés, dena ez da alferrik galdu
Amatiño
2011/03/19 22:00
Iazko azken egunean, abenduaren 31an, CNN+ informazio-kateak argiak itzali eta haren ordez ‘Gran Hermano’ programaren irudiak agertu zirenean, euren burua seriotzat duten hainbatek kristorenak esan zituzten aldaketa hura maldan behera omen doan telebista traketsaren adierazgarri zelakoan. Inork ez zuen ordea aitortu CNN+ ixten zenik behar beste entzule biltzen ez zuelako nonbait. Betikoa, programa “onak” egon daitezen nahi dugu baina ez guk ikusteko, egon daitezen baino.
Akihito, Euskal Herrian
Amatiño
2011/03/17 19:04
Japoniako Akihito Euskal Herrian izan zen orain dela 38 urte. Artean ez zen enperadorea, printzea baizik, eta Muskizko Petronor findegia bisitatu zuen orduko Asturiasko printzearekin batera. Japoniarrak berrogei urte zituen eta espainiarrak, ostera, hogeita hamabost.
Ordainetan
Amatiño
2011/03/15 23:56
Ondo dago telebistak eskaintzen dizkigun irudiez larritzea. Baina, telebistan agertzen ez den arren, Txinan sekulako exodoa gertatzen ari da itsasbazterrerantza, gehienen helburua auto bana erostea da, eta hurrengo bizpahiru hamarkadatan berrehun zentral nuklear abian jartzeko asmoa dute. Faktura “hilaren” azkenean etorriko da. Edo lehenago. Merezi ote duen geroak esango du.