Telefono mugikorrak gora, telebistak eutsi eta blogak behera
Amatiño
2015/02/04 23:55
Sektoreka, publizitate-ezarpena telefono mugikorretan hazi zen (+%6,5) gehienbat iaz, eta galerarik handiena, ostera, aldizkarietan (-%8,0). Esparru digitalari dagokionez, berriz, Interneteko bideoa izan zen batez ere gehitu zena (+%29), eta blogetan egindako inbertsioa gehien jaitsi zena (-%6). ZenithOptimedia agentziaren datuak dira.
Erantzunik ez
Emakumeak ez dira buzo urdinaren zale
Amatiño
2015/02/01 00:05
Somorrostro haranaldeko hogeita hamahiru gaztek jaso berri dituzte Petrononorrek eta Repsol Fundazioak elkarrekin urtero eskaini ohi dituzten Lanbide Heziketarako bekak. Herriz herri, 18 abantoarrak, 13 muskiztarrak eta 2 Zierbenakoak. Den-denak, mutilak. Neskarik, ezta bat bera ere. Emakumeek ez dute, nonbait, buzo urdinik gustuko.
Gernikako Estatutuaren besteko adostasuna edo gehiago
Amatiño
2015/01/29 15:40
Arraizek adierazi du, Urkullu lehendakaria den artean ez garela “inora” joango. Nik esango nuke, ordea, Urkulluk Arraizek baino dezente hobeto dakiela non dagoen eta nora joan nahi duen. Etorkizuneko egitasmoez, xedeez eta gurariez nahi beste eztabaidatu daiteke, horretarako da politika. Baina nabarmen zailagoa da azken berrogei urteotan jazotako gertaerak ukatzea.
Langabezia: azken hamasei urteotako daturik txarrena
Amatiño
2015/01/27 15:25
Urte zaharra amaitzearekin batera, Espainiako Estatistika Nazio Erakundeak (INE) jakinerazi berri dituen datuen arabera, espainiar langabeziak dezente onera egin du 2014 urtean zehar eta Euskal Autonomia Elkartekoak, aldiz, nabarmen txarrera.
Lekeitiotik Biarnorainoko Zanpantzarra
Amatiño
2015/01/24 19:40
Aire xiberotarrak entzunda heldu ginen, orain hurrengo, Jacako plaza nagusira. Zer aurkituko eta, nolabaiteko euskal inauteri-giroko konpartsak. Bertakoei zer ote zen galdetu eta: “Es el carnaval francés que viene de promoción. San Panza o algo así”.
Europar industria lehiakortasuna galtzen
Amatiño
2015/01/20 17:11
Bi dira, besteak beste, egungo gizarte aurreratuek energia-alorrean dituzten erronkarik nagusienak: eguneroko kontsumorako behar duten hornidura bermatu eta ekonomia lehiakorrari eutsi.
Hiperrealismoa, Bilbon
Amatiño
2015/01/17 15:50
Nik uste nuen, bart iluntze arte, Antonio López hiperrealista peto-petoa zela eta, neurri handiren batean, baita gure Jesus Mari Lazkano ere. Baina, bisita-gidariak ordu bitan zehar esandakoari jaramon egingo badiogu, aipatu biak errealistak "baino" ez dira.
Aukeran… nik nahiago Guardia Zibila geratzea
Amatiño
2015/01/14 00:45
Egia da, bai, ezker abertzaleak bere erritmo propioak dituela. Baina, gaitzerdi, erritmook beti berdinak balitu. Txarrena da, ordea, ikaragarri erritmo azkarrak dituela bere iragan gaiztoa ahazteko eta benetan geldoak, aldiz, txarto egina aitortzeko eta aldaketa urratzeko.
Albiste ona
Amatiño
2015/01/11 12:55
Baionan, eta ez Donostian, kokatuko du Ikeak bere bigarren denda Euskal Herrian. Aurrena Barakaldo ireki zuen 2004an eta hurrengoa, berriz, Baionako Ametzondo auzoan, Aturri ibarrean. Multinazional suediar honek Donostian zabaldu nahi zuen, baina Donostiako Udalak, Gipuzkoako Foru Aldundiak eta Eusko Jaurlaritzak jarritako eragozpenei esker, Lapurdira jo behar izan du.
Juanito Garmendiaren belaunaldiaren oroitzapenetan
Amatiño
2015/01/09 01:45
Juan Garmendia Ohorezko Euskaltzaina hil da, Tolosan, 88 urte zituela. Etnografoa, antropologoa, floklorista, miatzailea, ikertzailea, historialaria… gizon ona, langile amorratua, maisu apala eta adiskide maitakorra.