Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Futbolaren aitzakiaz

Futbolaren aitzakiaz

Amatiño 2014/11/30 22:45
Atletico-Madrid eta Coruñako Deportivo futbol-taldeen arteko partida aurretik gaur goizean gertatutako heriotzak bazterrak asaldatu ditu. Enrique Cerezo presidente madrildarrak esan du: “esto no tiene nada que ver con el futbol”. Baina ez da egia. Horrelakorik ez da eskubaloian edo estropadetan gertatzen, eta are gutxiago zinera edo kantaldira joaten direnen artean. Futbola da, ez beste.

Arazoa ez da konponduko bortizkeria futboletik uxatzen ez den artean (eskola-mailako gurasoengandik hasita) eta soluzioa erraza du: zale oldartsuei sarrerak ukatu eta kitto.

Gertatzen da, ordea, hitzezko indarkeria kulturala dela futbolean (galdetu bestela arbitroaren amari) eta hainbat kluben arduradunek gustuko-edo dituztela zale sutsu-sutsuak. Hau da, gertatua gertatu, ez dutela erabakirik hartu nahi, Aitor Zabaletaren hilketa kasu, Manzanaresen bertan.

Futbol-zaletasunaren ohiko oldarkeria gutxi balitz, arriskua gehitu baino ez da egiten ideologia kontrajarrien arteko norgehiagokaz janzten denean. Eta euskal futbol-zelaietan ere bada horren arrisku sorrik.

San Mamesen, esaterako, bada zale-talderik zuri-gorrienganako grinaren aitzakiaz herri-erakundeak gutxiesten dituena eta demokraziaz hautatutako agintariei iseka eta trufa egiten diena. Eta inor ez da ausartzen isiltzeko esaten.

Egunen batean eztanda egingo du eta gero gerokoak.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal