Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / “Ameslariak” kanta-taldeak 50 urte

“Ameslariak” kanta-taldeak 50 urte

Amatiño 2016/08/14 18:10
“Ameslariak” zitzaion izena, 1966an Eibarren aritu zen kanta-taldeari. Hemezortziren bat lagun ziren, Iñaki Sarasuaren zuzendaritzapean. Hogei urte inguru zituzten eta gehien gustatzen zitzaiena egiten zuten: kantatu.
“Ameslariak” kanta-taldeak 50 urte

Iñaki Sarasua, egun bereko argazkia

Orain ulergaitz samar iruditu arren, batez ere igande-goizetan kantatu izaten zuten. Goizeko hamaiketako meza ostean Karmeldarren elizaren atarian bildu, Agiñazpinetik hasi eta, tabernarik taberna, goialderantz abiatu izaten ziren kanta-kantari. Iganderoko plana. Hamabostean behin Ipuruaraino heltzen ziren. Ez gehiago eta ez gutxiago.

Zenbait ospakizunetan kantatzeko ere deitu izaten zituzten. Esaterako, 1966ko apirilaren 24an, Arraten, “Goi Argi” emakume-elkarteak Indalecio Ojangureni (“Kajoitxu”) eskaini zion omenaldian.

Iñaki Sarasua (Eibar, 1946), Antonio Sarasuaren semea eta Ramon Sarasuaren iloba. Denak ere, "Organistanekuak". Juan Bautista Gisasola izan zen Iñakiren amamaren anaia. Gaur egun, berriz, Iñaki bera da Antxon Sarasuaren aita eta "gure" Asier Sarasuaren osaba.

 

Zabaleta Patxi2

Arrateko arkupe-sarreran, 1966ko apirilaren 24an. Atzea ematen, zuzendari-lanetan, Iñaki Sarasua. Aurrez aurre, berriz, garai hartako edozenbat aurpegi, zein baino zein ezagunagoak (Plazaola argazkia).

Zabaleta Patxi1

Ezkerretik eskuinera, Aitor Errazti, Juan Antonio Iñarrairaegi "Oxido", Mikel Larrañaga (13 urte geroago alkate izango zena) eta Patxi Zabaleta (1988an ETAk erail zuena).

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal