Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibartik / 'Isil-poltsa': isilpean gorde eta aurreratzen den dirua #BerbarikBerba

'Isil-poltsa': isilpean gorde eta aurreratzen den dirua #BerbarikBerba

Asier Sarasua 2014/11/04 21:35
Garai berrietarako berba zaharrak. "Barcenasek Suitzan daukan ixil-poltsia" esate baterako.

Eibarko Hiztegitik:

Ixil-poltsa (isil-poltsa). iz. (TE). Isilpean gorde eta aurreratzen den dirua. Peculio reservado, dinero reservado; dinero escondido. Txomo zaharran andriak, ixil-poltsiakin etxia eiñ eban. / Nundik norako diruekin jarabik gure andriak ainbeste dotoretasun? Ixil-poltsaren bat bajaukak baztarren batian gordeta. (Zirik 68). 

Eibarko erabilera arruntean, normalean, etxean gutxika-gutxika gorde eta aurreratzen den diru-kopurua, etor daitezkeen ezusteko handietarako, edo eguneroko kapritxo txikietarako.

Goragoko bi adibideek garbi uzten dute garai bateko erabilera arruntena zein izan den, gehienetan emakumeei lotutakoa. Nahiz eta kontrakoa ere ohikoa ere izan, hau da, soldata eskuan jasotzen zen sasoian, gizonezkoak etxean "deklaratzen" ez zuen diru-sarrera.Ondo kontatuta dago hemen, eta egokia Oñatiko adibidea:

"Sasue batian ordu estrak eskura ordaiñketan oskuein fabrikan, eta ixil-poltsia eukitten ñuan".

Esakera adierazgarri bat ere aurkitu dut (eta adibidea sarean):

"Zerbait isil-poltsa baino ezkutuago gorde".

Elhuyar Hiztegiak eta Orotarikoak ere jaso dute, baina badirudi biek ere Eibarkoa dutela erreferentzia nagusi.

Aspaldi entzun barik, eta gaur gogoratu dit Egoibarrako arduradun Bego Azpirik.

Garaiotan, korrupzioren harira, beste erabilera batzuk ere hartu ote ditzakeen... Azken batean, garai berrietarako berba zaharrak! Izan ere, zer da ba Barcenasek, Granadosek eta Ratok Suitzan gordetakoa, isil-poltsa erraldoia baino?

 

Argazkia: Wikipedia


Eguneraketa: Xabier Gantzarainek aipatu dit kopla zahar batean ere azaltzen dela "ixil-poltsea". Hiru Trukuren abestiaren erreferentzia ere bidali dit. Eskerrik asko Xabier. Hementxe!

etiketak:
Xabier Gantzarain
Xabier Gantzarain dio:
2014/11/05 16:44
Atzo Twitterren jarri bezala, Hiru Trukuren baladaren batean entzun izana neukan errezeloa, eta topatu dut: Aldaztorrean.
https://www.youtube.com/watch?v=AXj6V2y4OB0
Iñaki
Iñaki dio:
2014/11/05 22:05
Kaixo Asier,

Gure etxean entzuna nuela eta...Lazkaon ere "poltsa-ixille" moduan erabiltzen omen zutela/dutela aipatu dit bertako Ane Larrañagak. Bere ama zenak aitak lanean irabazitako diruaren zati bat "poltsa-ixillen" gordetzen omen zuen, gehienetan gizonak berak ez zekien lekuan, etorkizunean etor zitezkeen gastuei aurre egiteko.

Ondo izan.
Asier Sarasua
Asier Sarasua dio:
2014/11/07 16:35
Eskerrik asko bioi, Xabier eta Iñaki, informazioarengatik. Xabierren bideoa txertatzea ere lortu dut.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Eibar, Euskalkiak, Natura, Etnografia

Asier Sarasua Aranberri

(Eibar, 1969). Blogroll ibiltari bat naiz.

..........................

Blog honetako testu original guztien lizentzia: Creative Commons by-sa.

Somerights20

..........................

Blogeko gai nagusiak

Sarean

Asier Sarasua Aranberri Twitter

Asier Sarasua Aranberri Flickr

Asier Sarasua Aranberri Facebook

Lehen Hitza Euskaraz