Euskararen aldeko diskriminazio positiborako eredu egokia
Asier Sarasua
2013/08/07 22:24
Gaur eskutitza jaso dut Gipuzkoako Foru Aldunditik. Euskara lehenesteko eredu egokia iruditu zait. Eskertzen da.
Euskal erakunde batek agiri elebidunak idatzi behar dituenean, nola egin behar du? Nola lehenetsi euskara, baina orekari eutsiz eta erdara baztertu gabe?
Gaur eskutitza jaso dut Gipuzkoako Aldundiko garraio zuzendaritzatik. Eta oso egokia iruditu zait. Orekatua, baina euskara nabarmen lehenetsiz. Euskararen aldeko diskriminazio positiborako eredu ezin egokiagoa.
Kritikatu behar dugunean erraz idazten dugu (egunotan @luistxok txiokatu duen Iruñeko Udalaren beste eredu desegoki hau lekuko). Ba, gauzak ondo egiten direnean, are gehiago.
Keinu txiki bezain garrantzitsuak dira. Eta eskertzen dira! Bai horixe!
1. Eredu hori ez dok zeharo barria. Barrena, Garaikoetxearen lehen jaurlaritza bezin zaharra.
2. Nik ezagutzen jittuat formula hori 1989eko zein 1990eko hamarkadetan erabili izan zebenak. Eta hik be bai.
3. Arazoa zuan, orduan behintzat formula hori ez zegoala "erakundetuta", erabagi eta aukera pertsonalen mendean zegoala.
4. Oraingo hau, ostera, zenbait kargurena ez ezik, erakundea osoaren erabagia badok, orduan bai, orduan txalotzeko erabagia izango dok. Eta eredugarria gainera.