Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibartik / Egun batzuk Doñana aldean: ingurune interesgarrienak eta ikusitako espezieak

Egun batzuk Doñana aldean: ingurune interesgarrienak eta ikusitako espezieak

Asier Sarasua 2020/01/13 22:30

Leku ederra da Doñana. Europa hegoaldeko Parke Nazionalik handienetakoa da (55.000 hektareako Parke Nazionala eta beste 55.000 hektareako Parke Naturala), hegaztien migraziorako ezinbesteko hezegunea, hainbat espezie mehatxaturen etxea... Europako naturgunerik garrantzitsuenen artean dago, zalantzarik gabe.

Benetan babestuta balego, ikaragarria litzateke, Doñanak jasaten dituen eraso eta arazoen zerrenda ikaragarri luzea baita, gehienbat nekazaritza-eredu okerrekin lotutakoak (habitat galera, kutsadura, akuiferoak baimenik gabe erabiltzea, nekazaritza intentsiboa...).

Hala ere, eta arazoak arazo, hegaztiak behatzeko Europako tokirik onenetakoa izaten jarraitzen du Doñanak. Espezie-txorta amaigabea aurkitu daiteke bertan, mehatxatutako zenbait espezie ikusteko tokirik aproposena ere bada eta migrazio-garaian milioika txoriren topagune, Doñana-Tarifa inguruan elkartzen baitira Gibraltargo itsasartea gurutzatu aurretik.

Doñanako parke naturala - 10

Uroilo urdina (Porphyrio porphyrio)

Handia, zabala. Handiegia, zabalegia. Oinez gustatzen zait hegaztien xerka aritzea, eta Doñana kotxez egin beharra dago, zatirik handienak behintzat. Errepide gehienak laborantzarako erabiltzen dira, eta irekita daude, publikoak dira. Adi, hala ere, ez daudelako ongi seinalizatuta eta zuloz beteta daudelako, eta euria egin ostean, lokaztuta.

Aste Santuan familiarekin Sevilla aldean egindako oporrak aprobetxatuta, pare bat sartu-irten egin (ge)nituen naturgunera. Hona hemen bisitatutako lekuak eta ikusitako espezieak. Ez da nire asmoa gida zehatz bat egitea, ezta hurrik eman ere; bisitatu nituen lekuak zerrendatuko ditut, nire ustez Doñanako gune eta alderdirik interesgarrienak zeintzuk diren azaltzeko. Hortik aurrera, informazio zabala nahi duenari, Dónde ver aves en Doñana gida-liburua gomendatuko nioke.

Doñanako parke naturala - 07

Erlatxoria (Merops apiaster)

Parke Nazionalaren erdigunea ezin da bisitatu (zati batzuk bakarrik, eta Parkeko gidarien laguntzarekin). Inguruko eremuak dira bisitatu daitezkeenak, eta hainbat harreragune eta sarrera daude. Laburbilduz, esango nuke hiru eremutan bana daitekeela, probintzia bakoitzean bana (goi-goiko mapan adierazi ditudanak). Hona hemen nire gomendioak.

Cadiz (Sanlúcar de Barrameda)

Doñanaren zatirik txikiena eta ezezagunena. Hala ere, oso leku interesgarriak dira ondorengoak, sarrera errazekoak eta aniztasun biologiko ikaragarrikoak, dozenaka kilometro egiteko beharrik gabe.

  • Salinas de Bonanza eta La Algaida ingurua (Sanlúcar de Barrameda), Laguna del Tarelo barne. Zankaluzeak, flamenkoak, laridoak, anatidak...
  • Trebujena eta Alventus ingurua, Guadalquivir ibairaino, La carretera del práctico delakoa, Codo de la esparraguera eta Marismas de Trebujena (idorrak). Harrapariak, ardeidoak, laridoak, estepei lotutako espezieak,...
  • Chipionako faro ingurua eta hondartzak, batez ere neguan eta itsasoko espezientzat.

Doñanako parke naturala - 21


Huelva (Matalascañas eta Almonte)

Naturgunearen alderdirik ezagunena. Zerbitzu turistiko handienak bertan daude. Presio turistiko handiena ere bai, askogatik. Bisitarako ez dira zerrendako lehenengo postuetan ipiniko nituzkeen bi toki, baina Doñanako parkearen ikur dira ondorengo biak:

  • El Acebuche sarrera nagusia. Ardeidoak eta hegazti urtarrak, elanio urdina,...
  • El Rocío inguruko aintzirak (eta hurrean dauden La Rocina eta Acebrón harreraguneak). Ardeidoak, harrapariak, gautxoriak, txinboak,...

Doñanako parke naturala - 20

Dehesa de Abajo (Isla Mayor, Sevilla)


Sevilla (Isla Mayor)

Aipatu ditudan hiru alderdietatik zabalena da Sevillakoa eta, seguru asko, aberatsena. Hori bai, kilometroak egin behar dira, mendi-bide kaxkarretatik, hemen aipatuko ditudan ingurumarietara heltzeko. Hala ere, ez zara damutuko, inolaz ere.

  • Isla Mayorretik behera Jose Antonio Valverde harreraguneraino. Must bat, zalantzarik gabe. Brazo de la Torre osoa, Choza de Huerta Tejada ingurua, Lucio del Lobo, el Caño de Guadiamar, Vado de los vaqueros, Vuelta de la Arena (oso aberatsa), La Escupidera. Zer ez dago hor! Hala ere, esandakoa: kilometroak egin beharko dituzu errepide kaxkarretan barrena.
  • Dehesa de Abajo. Sevilla aldetik Doñanara sartzeko harreragune nagusia. Laguna de la Rianzuela, Laguna cruce Colinas, Charcas de la cancela de Los Morenos eta Charcas de la Dehesa de las Hermosillas. Baita inguruko nekazaritza-sailak ere. Beste Must bat, kasu honetan bisitatzeko askoz errazagoa (errepide nagusiaren ertzean dago), eta kopetazuri gandorduna, murgilari arrea edo zertzeta marmolairea bezalako espezie mehatxatuak ikusteko primerako lekua, beste ehunka espezierekin batera. Pixkat iparrerago, La Puebla del Ríon, Cañada de los Pájaros izeneko ordainpeko parke ornitologiko txiki bat ere bisita daiteke etxeruzko bidean.

Doñana, 2019ko apirilean - Behatutako espezieak

Hona hemen apirileko bisitaldian ikusitako hegaztien zerrenda eta kopuruak, zuzenean eBird aplikaziotik jaitsita.

Antzara hankagorrizta (Anser anser) 10
Paita zuria (Tadorna tadorna) 15
Ahate mokozabala (Spatula clypeata) 10
Ipar-ahatea (Mareca strepera) 14
Basahatea (Anas platyrhynchos) 118
Zertzeta marmolairea (Marmaronetta angustirostris) 11
Ahate gorrizta (Netta rufina) 102
Murgilari arrunta (Aythya ferina) 145
Murgilari arrea (Aythya nyroca) 7
Malvasía cabeciblanca (Oxyura leucocephala) 80
Galeperra (Coturnix coturnix) 7
Eper gorria (Alectoris rufa) 1
Flamenkoa (Phoenicopterus roseus) 1799
Txilinporta txikia (Tachybaptus ruficollis) 24
Murgil handia (Podiceps cristatus) 12
Txilinporta lepabeltza (Podiceps nigricollis) 5
Haitz-usoa (Columba livia) 12
Pagausoa (Columba palumbus) 10
Usapal europarra (Streptopelia turtur) 3
Usapal turkiarra (Streptopelia decaocto) 19
Ganga azpizuria (Pterocles alchata) 6
Kukua (Cuculus canorus) 2
Sorbeltz arrunta (Apus apus) 93
Sorbeltz arrea (Apus pallidus) 1
Sorbeltza sp. (Apus apus/pallidus) 110
Uroilanda handia (Rallus aquaticus) 2
Uroilo arrunta (Gallinula chloropus) 35
Kopetazuri arrunta (Fulica atra) 1157
Kopetazuri gandorduna (Fulica cristata) 20
Uroilo urdina (Porphyrio porphyrio) 269
Zankaluzea (Himantopus himantopus) 344
Abozeta (Recurvirostra avosetta) 409
Txirri grisa (Pluvialis squatarola) 6
Txirritxo hankabeltza (Charadrius alexandrinus) 3
Txirrito handia (Charadrius hiaticula) 2
Txirritxo txikia (Charadrius dubius) 7
Harri iraularia (Arenaria interpres) 2
Txirri kurlinta (Calidris ferruginea) 200
Txirri zuria (Calidris alba) 15
Txirri arrunta (Calidris alpina) 60
Txirri txikia (Calidris minuta) 20
Kuliska txikia (Actitis hypoleucos) 11
Kuliska zuria (Tringa nebularia) 9
Bernagorria (Tringa totanus) 27
Pratinkola (Glareola pratincola) 34
Antxeta mokozorrotza (Chroicocephalus genei) 32
Antxeta mokogorria (Chroicocephalus ridibundus) 43
Kaio hankahoria (Larus michahellis) 70
Txenada txikia (Sternula albifrons) 18
Txenada mokobeltza (Gelochelidon nilotica) 5
Itsas enara beltza (Chlidonias niger) 7
Itsas enara musuzuria (Chlidonias hybrida) 248
Txenada hankabeltza (Thalasseus sandvicensis) 20
Zikoina zuria (Ciconia ciconia) 312
Ubarroi handia (Phalacrocorax carbo) 3
Txori zezena (Ixobrychus minutus) 3
Koartza hauskara (Ardea cinerea) 54
Koartza gorria (Ardea purpurea) 23
Koartza zuria (Ardea alba) 42
Koartzatxo txikia (Egretta garzetta) 179
Koartzatxo itzaina (Bubulcus ibis) 448
Koartzatxo karramarrozalea (Ardeola ralloides) 9
Amiltxori arrunta (Nycticorax nycticorax) 94
Beltzarana (Plegadis falcinellus) 1483
Ibis ermitaua (Geronticus eremita) 15
Mokozabal zuria (Platalea leucorodia) 137
Arrano arrantzalea (Pandion haliaetus) 1
Sai zuria (Neophron percnopterus) 1
Sai arrea (Gyps fulvus) 23
Arrano txikia (Hieraaetus pennatus) 3
Zingira-mirotza (Circus aeruginosus) 3
Mirotz urdina (Circus pygargus) 1
Miru gorria (Milvus milvus) 1
Miru beltza (Milvus migrans) 61
Zapelatz arrunta (Buteo buteo) 5
Argioilarra (Upupa epops) 6
Ur -martina (Alcedo atthis) 1
Erlatxoria (Merops apiaster) 136
Naumanni belatza (Falco naumanni) 15
Belatz gorria (Falco tinnunculus) 13
Belatz sp. (Falco naumanni/tinnunculus) 2
Antzandobi kaskagorria (Lanius senator) 11
Urretxoria (Oriolus oriolus) 1
Mika urdina (Cyanopica cooki) 9
Mika arrunta (Pica pica) 26
Beletxikia (Corvus monedula) 69
Erroia, okela-belea (Corvus corax) 1
Txoriandre arrunta (Calandrella brachydactyla) 2
Kalandria (Melanocorypha calandra) 42
Txoriandre pispoleta (Alaudala rufescens) 5
Kutturlio mokolaburra (Galerida theklae) 1
Kutturlio arrunta (Galerida cristata) 99
Kutturlioa sp. (Galerida theklae/cristata) 10
Uhalde-enara (Riparia riparia) 306
Enara arrunta (Hirundo rustica) 156
Enara ipurgorria (Cecropis daurica) 15
Enara azpizuria (Delichon urbicum) 54
Amilotx mottoduna (Lophophanes cristatus) 2
Kaskabeltz handia (Parus major) 6
Buztanluzea (Aegithalos caudatus) 4
Gerritxoria (Certhia brachydactyla) 2
Txepetxa (Troglodytes troglodytes) 1
Errekatxindorra (Cettia cetti) 35
Txio horia (Phylloscopus trochilus) 1
Txio iberiarra (Phylloscopus ibericus) 1
Mendebaldeko sasi-txori horizta (Iduna opaca) 5
Sasi-txori arrunta (Hippolais polyglotta) 1
Lezkari arrunta (Acrocephalus scirpaceus) 31
Lezkari karratxina (Acrocephalus arundinaceus) 14
Benarriz gorrizta (Locustella luscinioides) 2
Ihi-txoria (Cisticola juncidis) 118
Txinbo burubeltza (Sylvia melanocephala) 21
Etze-txinboa (Sylvia undata) 2
Euli-txori grisa (Muscicapa striata) 2
Urretxindorra (Luscinia megarhynchos) 20
Pitxartxar nabarra (Saxicola rubetra) 1
Pitxartxar burubeltza (Saxicola rubicola) 13
Buztanzuri horia (Oenanthe hispanica) 2
Zozoa (Turdus merula) 6
Arabazozo beltza (Sturnus unicolor) 87
Larre-buztanikara (Motacilla flava) 60
Buztanikara zuria (Motacilla alba) 1
Txonta arrunta (Fringilla coelebs) 2
Txorru arrunta (Chloris chloris) 46
Txoka arrunta (Linaria cannabina) 39
Kardantxiloa (Carduelis carduelis) 64
Txirriskila (Serinus serinus) 44
Gari-berdantza (Emberiza calandra) 61
Etxe-txolarrea (Passer domesticus) 178
Txolarre iluna (Passer hispaniolensis) 181
Landa-txolarrea (Passer montanus) 1
Estrilda mokogorria (Estrilda astrild) 3

 

Doñanako parke naturala - 01

Koartza zuria (Ardea alba)

Doñanako parke naturala - 02

Miru beltza (Milvus migrans)

Doñanako parke naturala - 03

Kopetazuri gandorduna (Fulica cristata)

Doñanako parke naturala - 04

Txolarre iluna (Passer hispaniolensis)

Doñanako parke naturala - 05

Gari-berdantza (Emberiza calandra)

Doñanako parke naturala - 06

Beltzarana (Plegadis falcinellus)

Doñanako parke naturala - 08

Koartzatxo karramarrozalea (Ardeola ralloides)

Doñanako parke naturala - 09

Larre-buztanikara (Motacilla flava)

Doñanako parke naturala - 11

Txirri txikia (Calidris minuta) eta txirri zuria (Calidris alba)

Doñanako parke naturala - 12

Flamenkoa (Phoenicopterus roseus)

Doñanako parke naturala - 13

Mokozabala (Platalea leucorodia)

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Eibar, Euskalkiak, Natura, Etnografia

Asier Sarasua Aranberri

(Eibar, 1969). Blogroll ibiltari bat naiz.

..........................

Blog honetako testu original guztien lizentzia: Creative Commons by-sa.

Somerights20

..........................

Blogeko gai nagusiak

Sarean

Asier Sarasua Aranberri Twitter

Asier Sarasua Aranberri Flickr

Asier Sarasua Aranberri Facebook

Lehen Hitza Euskaraz