Bonbila (botila, botella)
Asier Sarasua
2010/02/07 13:39
Bonbila # iz. Ontzi aho-estua, gehienetan beirazkoa, edariak eta, oro har, likidoak edukitzeko erabiltzen dena.
Atzo arratsaldean afarimerienda izan genuen Eibarko Botellín elkartean. Eta sarreran, kristalera eder batean, elkartearen armarria, berba hauekin: "G.J.J. Bonbiltxo".
Karajo! Zer izango ote da hori? Botellín=Bonbiltxo? Eta koadrilako batek: "Bai ba, bonbilak botellak dira euskeraz".
Egunero ikasten dela zeozer.
Bonbila # iz. Ontzi aho-estua, gehienetan beirazkoa, edariak eta, oro har, likidoak edukitzeko erabiltzen dena. Botila handia. Botella; garrafón.
Halaxe agertzen da Labayrun, Elhuyarren eta Harluxeten. Baita Bergarako euskararen hiztegian ere, ohar honekin: "Oso adinekoek bakarrik oroitzen dute hitza".
Tira. Gazte gara gazte.
Eta, behar bada, Benito Lertxundik Anje Duhaldek baino lehenxeago:
Ardoa eta gizona dijoaz kantatzera han dan andere gizena entzule dutela. Gizonak galdetzen dio: Ona ote zera? Bonbilean nago eta hasi zaitez edatera.
http://eu.musikazblai.com/benito-lertxundi/ardoa-eta-gizona/