"Ez buru eta ez hanka"
Asier Sarasua
2007/11/28 21:57
Gaur ere irratian: "...ez du ez hankarik eta ez bururik...".
Ez dakit txarto dagoen ala ez; ez dut inon arauturik ikusi. Euskalki eta hizkera kontua ere izango da, ziurrenik.
Niri, baina, belarriko mina eman izan dit beti, hankak aurretik ipini behar horrek. Esango nuke gure inguruan alderantziz erabili izan dela beti: "ez buru eta ez hanka". Gaztelaniz, berriz, ni pies ni cabeza, oinak aurretik. Euskaldunok burua lehenago :-)
Hiztegietan aurkitu dudan erreferentzia bakarra 3000 hiztegian izan da. Han ere: ez buru ez oin.
"Ez buru ta ez oin..." (ni pies ni cabeza) Placido Mujikak dakar 1965eko hiztegixan.
Halandabe, "ez buru eta ez zango" eta "ez buru ta ez belarri" (ni fú ni fá), Azkuerrek dakar 1905ekoan.