Juan San Martin beka 2007
Asier Sarasua
2007/09/04 12:05
Eibarko Udalak eta Udako Euskal Unibertsitateak VII. Juan San Martin ikerkuntza beka aurkeztu dute Portalean.
Juan San Martin beka urtero kaleratzen da bi erakundeen eskutik, euskarazko ikerkuntza bultzatzeko eta Eibarko seme kuttuna omentzeko. Bekaren gaia urtero aldatzen da, eta aurten Antropologiaren eta Arkeologiaren inguruko gaiak onartuko dira.
Eskaerak urriaren 11 aurretik aurkeztu beharko dira, Eibarko udaletxean bertan. Azaroan jakinaraziko da irabazlea.
Bekaren diru kopurua 9.000 eurokoa izango da, proiektu osoa euskaraz egin beharko da eta bekaren iraupena 12 hilabetekoa izango da.
