Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibartik / Eibar: hauteskunde emaitzak

Eibar: hauteskunde emaitzak

Asier Sarasua 2007/08/22 23:02

Aste honetan Eibarko alkateen inguruko mezu-trukea egon da Eibartarrak zerrendan, eta gogoratu naiz aspalditik neuzkala gordeta Eibarko hauteskunde-emaitzen datu historikoak. Hau da, azken 25 urteotan Eibarren izan diren udal hauteskundeen eta legebiltzarrerako hauteskundeen datuak.

Datuak dokumentu hauetan daude (Excel):

Urte guzti hauetan egon diren sigla-dantzak bateratzen ahalegindu naiz, esate baterako, HB-EH-EHAK, AP-PP, PCE-IU-EB eta abar.

Udal hauteskundeak

(irudixak hobeto ikusteko, egin klik gaiñian)

Udal hauteskundeak Eibarren 1979-2007

Udal hauteskundeak Eibarren 1979-2007

Udal hauteskundeak Eibarren 1979-2007

  • Azken grafika horretan, EAJ-EA eta PSE-EE batera erakutsi ditut.
  • Kontuan izan, 2003 eta 2007ko emaitzetan, HB lerroko datuak boto baliogabeak direla.
  • Lehenengo hauteskundeetan alderdi txiki mordoa aurkeztu ziren; ez ditut aintzat hartu, datuak eta grafikak erraztearren. Hartara, lehenengo hauteskundeetako portzentaiak batuz gero, ez da %100 lortzen.

Legebiltzarrerako hauteskundeak

Legebiltzarrerako hauteskundeak Eibarren 1984-2005

Legebiltzarrerako hauteskundeak Eibarren 1984-2005

Ez naiz soziologoa (gutxiago politologoa) eta ez naiz hasiko ondorioak ateratzen, baina ohar labur pare bat gehitu barik ez naiz geratuko:

  • Legebiltzarrerako Hauteskundeetan ia-ia ez da egon aldaketarik 25 urteotan. Alderdien boto-kopurua ez da ia inoiz aldatzen (Aznarren garaian PSOE-PP trasbase txiki bat egon arren), eta Abertzale-Espainolista blokeen artean ere beti dago 55/45 oreka (gutxi gorabehera).
  • Udal hauteskundeetan, ostera, alderdi abertzaleak botoak galtzen joan dira eta konstituzionalistak botoak irabazten.

Arazo larri-larria, beraz, Eibarko PNV-k daukana. Eta arazoa (askoz txikiagoa), era berean, Arriola eta lagunentzat, ez dutelako lortzen udal hauteskundeetako babesa beste hauteskundeetara zabaltzea.

etiketak:
Asier
Asier dio:
2007/08/24 02:04

Eta ahaztu aurretik, lehen aittatutako Eibarko alkatien zerrendia:

  • Antonio Maria Iraolagoitia Orbea 1973-1976
  • Juan Eguia Sarasua 1977
  • Antonio Landa Mendicute 1978
  • Mikel Larrañaga Mandiola 1979-1982
  • Jesus Maria Agirre Arriola 1983-1986
  • Aurora Bascaran Martinez 1987-1993
  • Iñaki Arriola Lopez 1993-

Franskimosko azkenengo alkatia Iralagoitia izan zan. Franco hil eta gero, Egia izendatu zeben, eta harek lagata, Landa izan zan alkate interino hauteskundiak egin artian.

Lehenengo hauteskunde demokratikuetan, ezustian, seguru asko, EAJk irabazi zeban eta Larrañagak irabazi zeban. Legealdixa amaittu eta Eibartik juan zanez, Agirrek hartu zeban tokixa, baina 1987xan PSOEk hartu zeban relebua. Baskaranek bi hauteskunde irabazi zittuan, baina alderdi barruko tira-biren ostian, Arriola jarri zan bere lekuan 1993. urtian, legegintzaldi erdixan. Eta gaur arte.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Eibar, Euskalkiak, Natura, Etnografia

Asier Sarasua Aranberri

(Eibar, 1969). Blogroll ibiltari bat naiz.

..........................

Blog honetako testu original guztien lizentzia: Creative Commons by-sa.

Somerights20

..........................

Blogeko gai nagusiak

Sarean

Asier Sarasua Aranberri Twitter

Asier Sarasua Aranberri Flickr

Asier Sarasua Aranberri Facebook

Lehen Hitza Euskaraz