Blogari barrixak ezagutu dittut
Asier Sarasua
2006/12/13 01:05
Sustatuk 5 urte bete dittu, eta atzo ekitaldi eder bat antolatziaz gaiñera, euskal blogarixen arteko sariketia be antolatu dau.
Orain dala pare bat urte euskal blogari guztiak ezagutzen giñan, eta erreza zan beste blogarixen gorabeherak jarraitzia. Gaur egun euskerazko 1000 blog baino gehixago dagoz, eta ezin danak ezagutu.
Sustatuko sariketiari esker, ezagutzen ez nittuan hainbat blog ezagutzeko aukeria euki dot, eta poztutzen naiz. Beste batzuen artian, honetxek aittatuko neukez:
- KomikiBloga (Andoni Salegi). Argazki blogetik harutzago, komiki blog batekin be ausartu dalako, eta zorrotz dabilelako.
- The Indezents (Mikel Alvarez). Sariketako irabazlia, zelan ez. Euskeria eta blogak ganberruak be izan leikiazela erakutsi dau. Euskal blogosferan bakarretakua.
- Bizipoz kutsakorra (Malen eibartarra). Blogarixak 18 urtetxo besterik ez; bere blogak zutoin senduak, baiña.
- Euskargazki (Ekaitz Santazilia). Hasi besterik ez da egin, baina nabarmentzekua da Euskeria eta euskal kulturia argazkixetan aurkezteko eitten diharduan ahalegiña.
aupa!
Klaseko ariketa moduan sortu neban blog honek poliki poliki bere oihartzuna hazten juan dala igarri dot... zeñek esan bihar zestan neri hori oin dala hilabete batzuk! Mila esker benetan, asko poztu naiz (eta zur eta lur geratu naiz) BiZiPoZ KuTsAkOrrA zure aukeretako bat izan dala ikusitxa. web 2.0 klasiak amaitxu dira, baina horrelako detaile txikiek aurrera jarraitzeko indarra eta bizipoza emoten dute. Eskerrik asko berriz, ondo segi, malen. ah! askotan saiatu naiz idazten, eta hogeita lau, hogeitalau eta auskalo zenbat aldiz idatzi doten 6 x 4ren emaitza...(6ko erreglakin gogoratzen nintzan be dudan neuan)