Moztu eta Ebagi
Asier Sarasua
2005/05/10 09:15
Esan bihar dotena, seguru asko, begibistakua izango da gehixenendako; edo tontokerixa haundixa, igual, beste askorendako. Baina gauzak idatziz jartzeko lotsa gitxi dakatenez, aurrera egingo dot.
Moztu eta Ebaki. Badinak dira? Sinonimuak?
Kasu gehixenetan ez, nere ustez, baina gaur egun nahastian erabiltzen dira, gaztien artian gehixenbat. "Kutxiluakin moztu", edo "ulia ebagi", edo "bedarra moztu"... Bai? Bada holakorik?
Nik nere iritzixa emongo dot, eta gero, gerokuak.
- Ebagi. Zeozer batzia. Hau da, zeozeri zati bat kendu, baina kendutako zatixa batzeko, gordetzeko: garixa ebagi eitten da beti, esate baterako. Eskuan geratzen dan zatixa gorde eitten da, eta lurrian geratzen dana bota. Horrez gainera, jakina, punta zorrotza daukan zeozekin ebatia, ebagi bat eittia, zauri bat, tarratada bat.
- Moztu. Kontrakua. Zeozer laburtzia, motzago eittia. Kasu honetan, eskuan geratzen dana bota eitten da. Ulia moztu eitten da. Buruan geratzen dana da inportantia, eta eskuan geratzen dana bota eitten da.
- Eta bizarra? Nik neuk behintzat, kendu eitten dot beti, ez ebagi, eta ez moztu. Ebagixa, bizarra kentzeruzkuan arpegixan eitten dozuna.
Dana dala, kontu honetan, biharbada, euskalki mailako aldia egongo da. Batian balio dabenak, beste batian ez.
Neretzat "kanpoko" kontua da "bizarra egin" hori. Sarri entzundakua, baina Eibarren ez, eta etxian gitxiago.
Hor be, jakina, Leirek aittatzen daben euskalkixen arteko aldia egongo da. Nik neuk Eibarkuak ezagutzen eta esaten dittut. Beste herri batzuetan, seguru asko, bizarra egin edo moztu edo auskalozer egingo dabe.