Ezezagunak 0 – Claudio Bravok 2
Amatiño
2014/06/19 22:00
Futbol-zaletasunak eta atxikimenduek ez dute beti nondik norako zehatzik izaten. Atzoko partidan nire ilobarik nagusienak Txileren aldeko postura egin zuen. Segurutik joan zen astean ez zekikeen Txile non arraio zegoenik ere, baina atzo, ostera, Claudio Bravoren alde jarri zen, donostiar atezainaren alde alegia. Espainiarren artean ez zuen, antza, erreferentzia ezagunik aurkitu. Ezin ba, atxiki.
Erantzunik ez
Arroila-jaitsiera, Siresako Espital errekan barrena
Amatiño
2014/06/18 19:00
Siresako arroila-jaitsiera ikasteko aproposa da, adrenalina ernaltzeko nahikoa eta zaletasuna eragiteko neurri-neurrikoa. Azkenean pozik, baita harroxko samar ere, eta neopreno lodia jantzi arren, dezente hoztuta eta mailatunez josita. Baina, gustura. Hurrengoan, gehiago eta hobeto.
Agirre lehendakaria: politikaren pasio errealista
Amatiño
2014/06/16 00:10
Hamar urteko ikerlanaren ostean Ludger Mees, José Luis de la Granja, Santiago de Pablo eta José Antonio Rodríguez Ranz historialariek elkarrekin idatzi dute Agirre lehendakariaren (1904-1960) biografia: “La política como pasión”. Biografia, ez hagiografia. Alegia, balantza orokorra Agirre zenaren aldekoa bada ere, egileek ez diote muzinik egin haren gaizki eginak edo ondo asmatu ez izanak biltzeari.
Marketinaren "biblia"
Amatiño
2014/06/13 00:10
Eusko Jaurlaritzaren dirulaguntzaz, eta Deustuko Unibertsitatearen ildotik, kalean da MARKETINAREN OINARRIAK liburukote mardula. Ia mila orrialde luze eta bost zentimetro lodi, marketinaren “biblia” da, Philip Kotler “guru” handiaren emaitzarik funtsezkoenetakoa. Hemen da, heldu da. Hamabigarrenean euskaraz, agidanez.
Emakumeak ez dira Bergarako urdinaren zale
Amatiño
2014/06/10 10:05
Euskal Lanbide Heziketaren esparruan emakumeak nagusi dira zerbitzuetan, administrazioan, turismoan, hezkuntzan edo adinekoen zaintzan; baina dezente urri, aldiz, teknika, mekanika, elektronika zein kimika alorrean, nahiz egungo “buzo urdindun” lan-motek indar fisikorik eskatu ez, eta industria-lanpostuak ondoen ordainduak izan. Bistan da, neskatilek ez dute Bergarako urdina gustuko.
Artista
Amatiño
2014/06/08 10:00
Aitortu behar dut nik ez nekiela aurreko ostegun arte Juan Kruz Diaz de Garaio izeneko koreograforik zenik ere munduan, zer esanik ez legazpiarra eta euskalduna (Euskadi Irratiak egindako elkarrizketa lekuko) izan zitekeenik. Bistan da informazio kobentzionalegia baino ez dugula jasotzen eta Juan Kruz Diaz de Garaio ez dela, inondik ere, definizio horretan sartzen. Artista bai, ordea, artistarik bada.
Aukeran, hobe Felipe Hollande baino
Amatiño
2014/06/04 00:05
Segurutik monarkia ez da sistemarik aukerakoena, modernoena edo etorkizunik gehien duena baina… ez dakit ba nik Iparraldeko anai-arrebei horren ondo joan ote zaien zorioneko frantziar errepublika antologikoarekin. Nik, aukeran, nahiago Felipe Hollande baino.
Hiriburutarren mundutxoa
Amatiño
2014/06/01 23:05
Ez dakit zuetako inork lagunik ote duen hiribururen baten bizi izaten. Nik bai, hainbat behintzat, Bilbon, Donostian, Gasteizen zein Iruñean. Euren mundutxoaren erdi-erdian bizi diren adiskideak, galtzada erromatar guztiak euren ataritik pasatuko balira bezala.
Valentin Zubiaurre, semearen aita
Amatiño
2014/05/29 23:20
Valentin Zubiaurre musikaria omenduz itxi du aurten Musikastek 42. Jardunaldia. Musikaria ote? Benetan? Baina, Garaiko Valentin eta Ramon Zubiaurre anaia gor-mutuak ez al ziren ba pintoreak izan? Anaiak, bai. Euren aita zena ez, ostera!
Bostehun urteko algonkin-euskara
Amatiño
2014/05/26 22:45
Jauzarrea elkarteak antolatutako jardunaldien barruan Stephen Augustine Oinordeko Mi’kmaq Buruzagiak hitzaldia eskaini berri du Donostian, Kanadako zenbait algonkindar naziok (mi’kmaq, innu, abenaki, mohawk…) euskal arrantzaleekin izandako harremanen berri emateko.