Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Auñamendia

Auñamendia

Amatiño 2014/10/13 00:05
Behin joan eta bertan goraino, aurrenengoan gailurreraino, ezin ba kexatu. Aldamenean neraman mendizale nabarmen iaioa, inoiz aurretik bizpahiru aldiz ehun metro ingururaino hurreratu arren, beste hainbatetan gaina hartu ezinda etxeratutakoa. Larunbat goizean ere, ekaitzaren beldur atera ginen maldan gora, edozein momentutan itzultzeko prest; baina, azkenean, lau ordutan, oinez nahiz narrasean, katamarka, tontor-gainean ginen.

Anie, frantsesez, edo Ania, biarneraz, Auñamendi (Ahuntz-mendia?) ez omen da, lurraldez behintzat, euskal mendirik jatorrena baina, egungo muga guztien gainetik, bai, behar bada, mitikoenetakoa.

Ez pentsa, horratik, euskaldunon sasizirrara-edo baino ez denik. Taldeko aragoitar trebeak ziostan gailurrean: “este monte tiene algo especial, no le debe nada a muchos tresmiles…”

Soinean generaman GPSaren arabera, Laberouateko aterpetxetik Auñamendi gainera 7,8 km. besterik ez daude. Zortzi ordu eta erdi behar izan genituen joan-etorria egiteko, geldiuneak, txizaldiak, tontorreko otordua eta lantzean behingo argazkilaritza tarteko.

Planoa

Euskal Herriko mugatik (San Martingo Harria) Biarnoko Lescunera (Laberouat) arteko bidean dago Auñamendia

Taldea bidean

Lehen argazkia, 1800 m. inguruan, belarra amaitzen den eremuan. Gailurra, berriz, 700 m. gorago. Garaieraz, jakina, ez longitudez. Pare bat ordu luze gehiago, etenik gabeko harritzan zehar eta, zenbait pasartetan, katamarrean.

Auñamendin

Auñamendi tontorrean. Hiru aragoitar, nafar bi eta pare bat eibartar. Barrenean, eskuinaldera, Zuberoa

Soumcou

Aurrez aurre, ipar aldera, Somcoi harkaizmendi erraldoia. Kontrako isurian, gezurra dirudien arren, San Martin Harriko (Ereta) eski-pistarik gorenak.

Txanpiak

Inguru horretan dena da galant eta garau. Baita basabarrengorriak ere

Oier Gorosabel
Oier Gorosabel dio:
2014/10/13 16:56
ahuñe iz. Zub. 'antxumea' (Hiztegi Batua)

Ni behiñ egonda nago bakarrik, Hernazeko portutik igota (Hernaz dok toponimua, San Martin harrixa ezagunagua bada be). 1988 aldian izan zan eta Bueltatzeko gogua dakat, batez be Arlaspeko itturri baten, topau neban graffiti bat erretratatzeko: "Viva el comunismo libertario", harrixan grabauta, batek daki noiz.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal