Euskal gaien gaineko nazioarteko aditu-sarea
Amatiño
2015/05/18 00:10
Beste behin, Jauzarrea elkartearen Atlantiar biltzarra. Nekez gero euskal gaiei buruzko beste konkresu bat non laurehunetik gora lagunek matrikula ordaintzen duten nazioarteko dozena eta erdi hizlariri, goiz eta arratsaldez, entzuteko. Xabi Oterok badu meriturik.
Erantzunik ez
Erromesen garaiko artetik ihesi
Amatiño
2015/05/15 00:10
Lar zaratarik eta abarrik gabe, aurten ireki da, Iruñean, Nafarroako Unibertsitatearen Museoa. Besteak beste, Tapies, Kandinsky, Picasso, Chillida, Oteiza, Palazuelo, Rothko… Maria Josefa Huarteren dohaintza oparoa, Rafael Moneok burututako eraikin nasai-nasaian. Honelako besterik ba ote Euskal Herri osoan?
Better together
Amatiño
2015/05/12 00:10
“Hobeto* elkarrekin” izan zen Eskoziaren independentziaren aldeko erreferendumean Ingalaterrako alderdiek aho batez aldarrikatu zuten leloa. Orain, berriz, hauteskunde orokorrak irabazi ostean, David Cameronek aurreratu du bizpahiru urte barru erreferenduma deituko duela Erresuma Batuak erabaki dezan Europar Batasunaren baitan jarraitu ala ez. Itxura denez, “better”, bai, “elkarrekin” hori, Eskozia eta Ingalaterraren artekoa baldin bada; baina “worst together”, nonbait, Europatik aldentzeko baldin bada.
Eibartar eskizofrenia
Amatiño
2015/05/09 11:55
Auskalo azken zortzi urteotako beherakadatik inoiz erabat aterako ote garen, baina honezkero inork ez du esango harako krisialdiak gure ahuleriak azpimarratu ez dituenik. Euskadirenak, oro har, eta Eibarrenak, nabarmen asko.
Euskal girotan eibartarrik gehien bildu duen ekintza
Amatiño
2015/05/06 07:30
Maiatzaren 30ean berrogeita hamar urte beteko dira Lehen Umeen Euskal Jaia antolatu zela Eibarren. 1965ean Arrate Elkartearen zuzendaritzakoa nintzenez, hainbatek galdetu izan dit nolatan sortu ote zen, Eibarren hain zuzen, gerra osteko haur euskal jairik lehena edo lehenetakoa. Jakin beharko nuke, baina ez naiz gogoratzen.
Lantegi-eraikinik politena
Amatiño
2015/05/03 12:00
Auskalo zein ote den Euskal Herriko eraikinik politena. Ezagunena, segurutik, Guggenheim Museoa. Baina, nire ustez, lantegi-eraikinik politena behintzat, bereziena, ederrena, berriena... Galarretako (Hernani) Orona-Ideo deritzana. Eta oso jende gutxik ezagutzen du, ez dago-eta, euskal hiritarrik gehienontzat, bidegurutzerik urratuenean.
Omenkako hobekuntzak ez du langabeziarik murriztu
Amatiño
2015/04/30 22:00
Langabeziaren emaitzok ezer gutxi aldatu dira azken hiru hilabeteotan, Euskal Autonomia Erkidegoan, Nafarroan zein Espainian. Datu makroekonomikoak txukuntzen ari omen dira, merkatua berpizten eta han-hemenkako itxaropenak mamitzen. Baina, betiko baina, omenkako hobekuntzak ez du langabeziarik murriztu.
Industria, Bizkaiaren motorra. Bizkaiarena soilik ote?
Amatiño
2015/04/28 16:00
Ezkerraldeko bost enpresaren (La Naval, Eroski, Tecuni, Petronor eta Precicast) zuzendariak bildu dituzte Barakaldon, 150 lagunen aurrean, “Ezkerraldeko ekonomiaren garapenerako gakoak” elkarrekin aztertzeko. Esandakoa laburbiltzekotan, harako gakoak honako hauek lirateke: teknologia-garapena, energia-eraginkortasuna, ingurumen-iraunkortasuna, lanbide-heziketa, ingelesa menderatu beharra eta, behin eta berriz, egoera berrietara egokitzen asmatzea. Gako guztiz garrantzitsuak eta zentzuzkoak, segurutik. Baina, Ezkerraldeko ekonomiari ez ezik, euskal ekonomia osoari ere legozkiokeenak ez ote?
Berrikuntza: teoria eta praktika, filosofia eta enpresa
Amatiño
2015/04/26 17:25
Daniel Innerarity, Politika eta Gizarte Filosofiaz katedraduna, eta Aner Garmendia, EGA Masterren zuzendari nagusia, elkarrekin bildu ziren aurreko ostiralean, Iruñean, berrikuntzaren teoriaz eta praktikaz, hurrenez hurren, jendaurrean aztertzeko.
Dinamitaz suntsitutako herria
Amatiño
2015/04/23 22:20
Cenarbe (1.200 m.) herriaren historia dekretuz amaitu zen (BOE, 1966.11.26), Esako urtegiaren egitasmoarekin batera, lur-higadura ekiditzeko (eta, horretara, erosio-lurrez urtegia lohiz ez betetzeko), haranburuko goi-maldetan pinua landatzea erabaki zenean. Nahi bezala, pinuak erosioa uxatu zuen, baina baita baratzeak, larreak, abereak eta… ondorioz, ezin bestean, biztanleak ere.