Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Oro da hizkuntza, mintzaira eta adierazpide

Oro da hizkuntza, mintzaira eta adierazpide

Amatiño 2015/10/06 18:35
Madrilgo Ateneoak igandero eratu ohi duen “Pensamiento alternativo” hitzaldi-sortaren baitan, Nisa Goiburu artista tolosarrak eskaini zuen, aurrekoan, “Todo es lenguaje” ekitaldia. Saio hirukoitza: hitzaldia lehenik, performancea ondotik eta ikusentzuleekin elkarrizketa gero.
Oro da hizkuntza, mintzaira eta adierazpide

Nisa Goiburu

Artista jendea artista jendea da. Eta artista plastikoak, zer esanik ez. Badira euren margoen esanguraz galdetuz gero zeharo haserretzen direnak, artea hitzez azaltzerik ez dagoelakoan, eta badira euren sorkuntzaren erroak eta adarrak azaldu beharra sentikor bizi dutenak. Nisa Goiburu azken hauetakoa da.

Dena lengoaia da, oro da hizkuntza, hizkera, mintzaira, adierazpidea… Eta Nisak gogoko du bere barne-muinetako laberintoan ernaltzen diren sekuentzien berri ematea: intuizioa, pentsamendua, barne-ezagutza, lanketa, adiera, interpretazioa, jendaurreko harremana…

Egon-ezin, nahikunde, gurari eta ezkutuko grina honen larrainean burutzen ditu Nisak, gero eta gehiago lantzen dituen performanceak, “ni ere eskultura naiz-eta, sentimenduz josita bizirik dagoen eskultura”.

Madrilgo performance honetan Nisak aparteko lagun izan zuen Inma Goiburu (lehengusina), piano eta solfeo irakaslea, eta Ordiziako Santa Ana Abesbatzaren zuzendaria.

Aipagarri gero, bene-benetan, Inmaren ekarpena, hitz-soinuz, hotsez, garrasiz eta txilioz, Mikel Laboaren (Baga, biga…) oroitzapenezko lekaioez eta guzti. Nabarmen ona.

Jasotzen

Nisa Goiburu eta Inma Goiburu, Madrilgo Ateneoan, aurreko igandean

Tente

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: