Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Zine-telebista, krisiari aurre egiteko

Zine-telebista, krisiari aurre egiteko

Amatiño 2008/10/04 11:41
Rooseveltek 1933an egin bezala, Bushek ere zinegintzari dagozkion diru-laguntzak sartu ditu 2008ko krisialditik ateratzeko egitasmoan. Hirurogeita hamabost urte geroago zineak kultura izaten jarraitzen duen artean Europan, Estatu Batuetan industriatzat azpimarratu dute berriro ere.

Azkenik, Estatu Batuetako Kongresuak, 263 alde eta 171 kontra, Bushen gobernuak proposatutsako plana onartu du. Guztira 700.000 milioi dolar,  gain behera dagoen ekonomia suspertu ahal izateko. Hasieran hiru folio laburreko proposamena baino ez zena, amaieran 451 orrialdeko txosten mardula, letra txikiz josia. Eta horrenbeste letra txikiren artean, besteak beste, 478 milioi dolarren aurrekontua zenbait zine eta telebista ekoizpeni murrizketa fiskalak eskaintzeko.

Krisialditik ateratzeko neurrien artean zinea aipatu izana ez da berria Estatu Batuetan. 1929ko crack ostean, Keynesen bidetik Franklin Delano Roosevelt presidenteak burutu zuen New Deal (Itun Berri) delako hartan ere beste horrenbeste gertatu zen. Ondorioz, zinea (eta geroxeago telebista) industriatzat dute Estatu Batuetan, eta kulturatzat ezezik, “salbuetsi” beharreko kulturatzat gainera, Europan.

  F. D. Roosevelt

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal