Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Hamaika euskalkiren bilera gaur Saran

Hamaika euskalkiren bilera gaur Saran

Amatiño 2011/04/25 21:00
Denetariko euskaltzaleak bildu dira gaur Saran, XXVIII. Idazleen Biltzarraren inguruan. Usuegi ez denez, jende ikasia ezezik, zazpi euskal lurraldeetako herritar xehe-xehea bertaratu da. Belarria zorroztu baino ez, Bizkaiko, Garaziko zein Zuberoako moldeak bertatik bertara arrunt asko entzuteko, gainerakoak ere barra-barra tarteko. Holakorik behintzat ez da durangar periferian izaten.

Sarako Idazleen Biltzarra (Biltzar des Écrivains de Sare) eratu da gaur Saran bertan eta, bileraz  baliatuz, Euskaltzaindiak beronen ardurapeko lau libururen aurkezpena egin du: Gratien Adema "Zaldubi": Alegiak eta bertze neurtitzak (Henri Duhau);  Kadet eta Bettiriño  (Manuel Padilla)Egiategiren filosofo huskaldunaren ekheia II (Txomin Peillen) eta Gramatika Emendakinak. Zuberoako euskaraz  (Jüje Etxebarne).

Horrez gainera, beste hainbat libururen berri ere eman da egunean zehar, Jose Migel Barandiaranen, Telesforo Monzonen zein Joseba Sarrionaindiaren omenetan; Xipri Arbelbidek bere Sorginak aurkeztu du eta  Firmin Arkotxak Agosti Xaho (Atharratze, 1811 - Baiona, 1858) sortu zeneko berrehun urtebetetzea dela-eta erakusketa azaldu.

Mahaiingurua500

Henri Duhau, Manuel Padilla, Andres Urrutia euskaltzainburua, Txomin Peillen eta Jüje Etxebarne

Euskaltzainak500

Txomin Peillen, Andres Iñigo, Patxi Zabaleta eta Lourdes Oñederra euskaltzainak,  nagusiak zer aginduko

Iztueta400

Paulo Iztueta, Jokin Apalategi eta Maite Idirin, beti elkarrekin

ArejitaArbelbide400

Adolfo Arejita, Xìpri Arbelbidek noiz txanda emango

Haritschelhar250 Charritton250   

Jean Haritschelhar eta Piarres Xarriton, 178 urte bien artean

 Daniel Landart250 Eugenio250  Patri Urkizu250

Daniel Landart, Eugenio Arozena eta Patri Urkizu antzerkilariak

 Azoka500

Sarako liburu-azoka, gaur

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: