Xabier Gereño eta Lino Akesolo

Juan Garmendia "Zeleta", Xabier Gereño, Nikolas Alzola Gerediaga "Bitaño" eta Lino Akesolo, Lemoan (1975.11.30), Juan Bautista Meabe Eguskitzaren (1875-1939) omenetan Euskaltzaindiak egindako bileran

Xabier Gereño (Bilbo, 1924 - 2011), euskal militante, euskaltzale, abertzale, eragile, suspertzaile, sustatzaile, antolatzaile, argitaratzaile eta, segurutik, ondorioz,  idazle, kazetari, euskaltzain eta beste hainbat gauza gehiago, 1936-1939 gerra osteak erakarri zuen egoeraren fruiturik adierazgarrienetakoa genuen.

Lino Akesolo ((Dima, 1911 - Bilbo, 1991), berriz, gudari, abade, eleaniztun, jakintsu eta erudito, baina ez horregatik gero --edo ez horregatik soilik behintzat-- ikerle, azterlari, itzultzaile, euskaralari, dialektologo eta hiztegile, segurutik bigarren parte honetako ezer gutxi egin ahal izango zukeen ehun urte beranduago jaio izan balitz.

Nere eta nere aurreko belaunaldiko gehientsuenok bezalaxe, jakina. Hau guztia ona ala txarra izan ote den... auskalo, baina honezkero ez du batere erremediorik. Jainkoari eskerrak.