Urte berri on... Shanghaitik
Amatiño
2008/02/12 23:14
Gauza jakina da oraintsuan ekin zaiola urte berriari Txinan. Baina gauza bat da komunikabideek eskaini ohi diguten informazio urruna, eta beste bat Sanblasen ostean gabon-txartela etxean jasotzea zorionak opa izaten...
Hona, SPRIk Shanghain duen bulegotik jasotako zorion-txartela. Zenbaitek bi izenez sinatu du, euskarazko zein txinerazko izenez, Katrin, Sabin, Mikel eta Ainhoa izengoitidunek esaterako, bistan denez. Ohituraz, kanpoko enpresetan lan egiten duten txinatarrek enpresaren jatorri bereko izenen bat aukeratu ohi dute lan-gaitzizentzat. Segurutik kanpoko buruzagien erabilera errazteko, baina baita bertakoen nolabaiteko esnobismoz ere. Nik neuk ikusi ahal izan dudanez, sekulako ilusioa egiten die... edota ilusio-itxurak antzematen zaizkie behintzat.
