Udaberriko elurrak berriz zuritu mendiak

Hain zuzen ere, ostiraletik larunbatera bitarteko gauean elurrak gogotik bota zuen Pirinioetako mendi-gailurretan. Mendikada egiteko asmotan joan eta ezin bi mila metrotik gora eroso ibili.

Eskalar edo Txantxikuen iboia (2078 m.) zuri-zuri aurkitu nuen ezustean. Elurrak nekez zurituko du urik, aldez aurretik izoztua ez baldin bada. Hartara, kristoren hotza lehenik eta elurra dezente gero, izotz-geruzaren gainetik.

Handik gora, Monjeen mendibia (2.168 m.), Aragoi eta Biarno arteko muga, negu gorritan bezain zuri. Benou muino gaina (2.290 m.) hartu nuen kostata, baina atzera egin behar izan nuen Pic des Moines gailurrerantz (2.349 m.) nabarmen jo aurretik. Hirurogei metro baino ez, baina... Bakar-bakarrik eta izotzetan, ez zen gero giro afankerietan aritzeko.

Hurrengoan gehiago, berdeago bai, behintzat.

Eskalar edo Txantxikuen iboia, izoztua eta zuritua, larunbat goizean

Monjeen mendibia (2.168 m.), Aragoi eta Biarno arteko muga. Aurrez aurre sumatzen diren bi hatz horietan egon ohi da, udaran, nolabaiteko langa.

Ezkerraldean, Pic des Moines (2.349 m.), Bénou (2.290 m.) muino gainetik hartutako argazkian. Barrenean, Midí D´Ossau (2.884 m.) ospetsua.