Betikotasunerako bidean
Amatiño
2015/03/31 11:30
Agindu bezala, Tuca Zurirainoko igoera egin genuen, mendi-eskiez, aurreko asteburuan. Talde bitan egin ere. Gazteek igande goizean bertan, behetik gorakoa (1.557-2.322 m.). Eta horren gazte ez garenok, aldiz, bi txandatan: larunbatez, bide erdia baino zerbait gehiago (1.557-2059 m.) eta biharamunean, berriz, gainerakoa (2.049-2.322 m.).
Guztiok teleaulkirik gorenaren plataformaraino (2.231 m.), gailur-barreneraino, heldu ginen elkarrekin. Hala ere, handik gora, inork ez zuen behar besteko indarrik, kemenik edo irrika berezirik izan tontorrerainoko 90 metroak egiteko.
Hurrengoan, behar bada… naizen honen kasuan, behintzat, “behar bada” hori geroko gerotan, betikotasunerako, geratuko den arren.
Ttipirri-ttaparra, maldan gora. Atzekaldean, Zapatillapeko zuloa.
Alex, Luis, Paco, Kontxi, Belen, Cris eta Eduardo "arañoiak". Barrenean, Midi d'Ossau (2.884 m.), tente asko
Azkenengo maldetan zehar, Aspe (2.640 m.) gailurraren magalean. Biarnoeraz Aspa zaio izena eta, aragoieraz, Esper.
Nork esan du bi mila metrotik gorako elurretan ez dagoela izerditzerik?