Tradizioa ala berrikuntza?

Norvegiako "Kraftkar" gazta urdinak irabazi du aurtengo “World Cheese Award” saria. Baina, behar bada, inork aipatu ez arren, ezkutuko saririk nabarmenena Artzai Gazta Elkartearentzat izan da. Luisa Villegas ekitaldiaren zuzendariak, elkartearen izenean, esan bezala: “jaialdi honen antolakuntza eta ospakizuna amets bat egi bihurtzea da. Gure aurreikuspen onenetan ere ez genuen uste hainbeste elkarlan eta erantzun positibo jasoko genituela bidean”.

Izan ere, zelan arraio izan daiteke 116 gaztagile artisauz osatutako elkarte apal batek nazioarteko gazta-topaketa nagusia eta mundu mailako gazta-lehiaketarik ezagunena aldi berean antolatzea? Nola elkartarazi daitezke, artaldeetatik ordubetera, bost kontinenteetako berrogei herrialdetan ekoiztutako 3.000 gazta baino gehiago?

Gaurdanik, Idiazabal gazta eta Euskal Herriko Artzai Gazte Elkartea mapamundian daude. Zer da hori… tradizioa ala berrikuntza?

Eta, era berean, aurrekoz atzera edo atzekoz aurrera, Industria 4.0 adiera ez al da azken 500 urteotako euskal industria-tradizioari eutsi eta erantzun beharra baino?

Norvegiako Kraftkar gaztagile irabazlea belauniko, euskal ordezkariz eta antolatzailez inguratua

"Ez jan gazta hau" dio txartelak. Beste guztiak (2.999?) bai, nonbait