Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Telebista = dirua

Telebista = dirua

Amatiño 2012/07/18 18:05
Valentziako Irrati Telebistak (RTVV) hiru kateetako bat itxiko du eta 1695 langileetarik 1295 kalean jarriko. Iaz 73 milioi euro irion zituen soldatatan eta datorren urtean 17 milioi baino ez lituzke eralgi behar izango “egungo diru-ahalei dagokiekeen telebista-eredua birmoldatu ahal izateko”. Dirua da, nonbait, arazo.

Hogeita hamar urte beteko dira, datorren urrian, Eusko Jaurlaritzaren Kultura Sailak sei lagun bidali gintuela Alemaniara “Management for Television” delako ikastarora. Hamabost egun egon ginen Bad Harzburg-eko bainu-etxeetako batean, goiz eta arratsaldez telebista-zuzendaritzaren hastapenak barneratu gurarik.

Nik neuk behintzat hantxe ikasi nituen telebista-generoaren lau ideia xume bezain ardazle:

1. Telebistan, garrantzitsuena da pantailan agertzen dena, ikusleek ikusten dutena. Bastidore arteko gainerako guztia bigarren mailako da.

2. Telebistan, besteak beste, profesionaltasuna da errutina, eta errutina, profesionaltasuna.

3. Telebistan, bat-batekoak behar du aldez aurreko plangintza.

4. Telebista da garesti-garestia. Telebista publikoak diru asko behar du.

Primera REDACCION ETB

Bad Harzburg-eko sei ikasleak, Alemania bien arteko mugan: Luis Mendizabal eta David Barbero kazetariak, Juan Carlos Loroño teknikaria, Jota Jota Cuadrado erregidorea eta Iñaki Beobide ekoizlea

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal