Sarriago txartoago, hobeto baino
Amatiño
2014/11/12 00:05
Langabeziaren azken datu ofiziala %15,2 da Euskal Autonomia Elkartean eta %23,7, berriz, Espainian. Segurutik datuok ez dira nahi genukeen bezain onak baina bai, ostera, aurtengo lehen hiru hiruhilekoetatik onenak. Baita azken hiru uteotako onenak ere.
Krisialdi luzea bezaina zorrotza bizi izaten ari garenik ez du inork zalantzan jartzen, nahiz, azken hiru hamarkadetako emaitzekin alderatuz gero, horren txarrak ez izan.
Alegia, 1981-2014 bitarteko 34 urteetan, Euskal Autonomia Elkarteko datuak %15,2 baino txarragoak izan dira hogei urtean eta hobeak hamahirutan. Hau da, langabeziari dagokionez behintzat, sarriago egon gara txartoago (20 bider), hobeto baino (13 aldiz).
Espainiako balantza historikoa, ostera, bestelakoa da: hiru urtean baizik ez dira orain baino txartoago egon. Gainerako 30 urtean, hobeto.
