Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Sarituak Ega Master eta Galdakao Ospitalea

Sarituak Ega Master eta Galdakao Ospitalea

Luistxo Fernandez 2010/12/06 16:18
Gasteizko Ega Master enpresak eta Galdakao-Usansolo Ospitaleak jaso dute, Mar del Platan amaitu berri den Iberoamerikar Gailurraren baitan, Iberoamerikar Kalitate Saria. Garaikur hauek Europan eratu ohi diren EFQM sarien kideko dira, baina Hego Amerika, Espainia eta Portugal herrialdeetako enpresei eskainiak.

Gasteizko Ega Master erreminta-enpresak eta Osakidetzaren Galdako-Usansolo Ospitaleak jaso zuten aurreko ostiralean, Argentinako Mar del Plata hirian, aurtengo Iberoamerikar Kalitate sari bana. Guztira sei sari eman ohi dira urtero, enpresa-neurriaren zein publikoa ala pribatua denaren arabera eta, seietarik bi euskal enpresek irabazi dituzte.

Garaikur hauek, amaitu berri diren Iberoamerikako Estatu eta Gobernu Buruen XX. Gailurraren baitan emanak, enpresa-kudeaketan eragindako kalitatea eta bikaintasuna saritzen dituzte. 

Iberoamerikako hauek Europan eratu ohi diren EFQM  (European Foundation for Quality Management) ereduaren araberako bikaintasun-sariak dira, eta herrialde hegoamerikarretako zein Espainia eta Portugalgo enpresek parte hartzen dute.

Hain zuzen ere, Ega Master nahiz Galdakao-Usansolo Ospitalea, biak dira aldez aurretik Euskaliten Urrezko Q delakoaren jabe.

Ega Master, Premio Iberoamericano de la Calidad

Euskal enpresa bien ordezkariak elkarrekin. Ezkerrean, Iñaki Garmendia, Ega Master-en lehendakaria, eta eskuinean Santiago Rabanal, Galdako-Usansolo ospitalearen zuzendari gerentea.

 

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: