Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Urte berri, Eastwood berri

Urte berri, Eastwood berri

Amatiño 2013/01/01 02:15
Segurutik Clint Eastwood aktore ezagunak ez du honezkero film asko gehiagorik egingo baina, egingo balu ere, ezin izango luke (gaztelaniaz behintzat) betidaniko ahots berbera erabili. Constantino Romero bikoiztailea jubilatu da eta, berarekin batera, Clint Eastwood-en azken 42 urteotako film guztien ahotsa.

Constantino Romerok (Albacete, 1947) ahotsari zor dizkio lanbidea eta ospea. Inoiz ironiaz aitortu izan duenez  “auskalo zer izan ote nindekeen ni, naizen honen ahotsik izan ez banu”. Hala ere, bederatzi urterekin egin omen zuen lehen grabaketa. Ezin esan, beraz, meritu guztia pertsona larriaren ahots sakon bezain atseginari zor zionik, soil-soilik. Bada hor, nonbait, berezko dohainaz gainera, beste zertxobait, bokazioa, eskola eta ahalegina tarteko.

Edozein modutan, bikoizketa ez ezik, beste hainbat arlo ere landu izan du Clint Eastwood-en ahotsak, alegia: antzerkia, iragarkiak eta telebista, esaterako. Hain zuzen ere, 1996an, ETBren Urte Berriko saioan parte hartu zuen, Charles Chaplin antzera jantzi eta “Limelight” (Eszenargiak) kanta guztiz ospetsua eta saritua abestuz.

Dena den, jaioko dira berriak edo, burulerroan esan bezala, Urte Berri, Clint Eastwood berri.

CONSTANTINO ROMERO

Constantino Romero. ETB, 1996

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal