Rakhmaninov, Luganskyren eskutik
Sergei Rakhmaninov, hamar urterekin
Sergei Rakhmaninov (1873-1943) errusiar musikari eta orkestra-zuzendaria izan zen, Europako azken konposatzaile post-erromantikoetakoa eta XX. mendeko piano-jotzailerik eraginkorrena.
Senitarte musikazalearen (4) altzoan sortua Errusiar Inperioan, 4 urte baino ez zituen pianoa jotzen hasi zenean eta 19, San Petersburgo eta Moskuko kontserbatorioetan ikasketak amaitu ondoren, musika-lanbideari ekin zioenean. Hamasei urtez izan zen Bolxoi antzokiko orkestraren zuzendaria.
Rakhmaninoven musika-lanaren erreferentzia nabarmena da Pianorako 3. Kontzertua (5), ez baita alferrik sekula pianorako egin den konposiziorik zailenetakoa. Eta ez, ez ustean. Maisuki piano-jotzaile, konpositore eta orkestra-zuzendaria izanik, apropos saiatu zen piano-konposizio sendo, zindo eta nekeza egiten. Izan ere, Josef Hofmann (6) piano-jotzaile ospetsuari eskaini zion arren, poloniarrak ez zuen sekula jo, “beretzat baino zailagoa” zelakoan. Hainbat hamarkadatan Rakhmaninovek berak baino ez zuen beste inork interpretatu nahi izan.
Geroztik, ezohiko teknika bikaindun piano-jotzaileek etorri behar izan zuten Rakhmaninoven erronkari aurre egin ahal izateko eta horietako bat, hain zuzen, egunotan Euskal Herrian dugun Nikolai Lugansky moskutarra.
Batez beste 7.500 sarrera inguru saldu dira, 10-40 € artekoak.
---ooOoo---
1) Aurreko ustegun eta ostiralez Donostian, gaur Gasteizen, bihar Iruñean eta etzi Bilbon.
2) Orkestra-zuzendari, Juraj Valcuha eslovakiarra
4) Ama piano-jotzaile trebea eta lehen irakaslea. Aita, berriz, militarra eta musikazalea.
5) Pianorako 3. Kontzertua,, Luganskyren eskutik, youtuben,.
6) Hainbat adituren ustez historian izan den piano-jotzailerik onenetakoa.
.
