Prostatari esker

Ondo ibili Gabonetan, Amatiño, eta esker ona eta goraintziak zure prostatari nirearen partez.

Zaindu maite duzun hori: Serequr eta Saw Palmetto-ren laguntzaz 10etik 7ra jaitsi zait analitiketako PSA. Eraginkorra dirudi, nire kasuan bederen.
Prostata, kuadrillako elkarrizketetan, ezerezetik erabateko protagonismoa izatera igaro da urte gutxi batzuetan.
 
“Zein txarto zaudeten eginak gizonak!”, oihukatu zidan behinola lankide batek. Arazoak zituen senarrak, eta lankideak egiten zion sendaketa. “Prostata! Mesedez! Lotsagarria!”

Eskerrik asko, Markos. Hire datuen arabera, hire prostatak nireak baino ia 20 urte gutxiago zeuzkak. Hartara, antza, badik oraindik zer ikasirik eta bide luzeagoa egiterik. Bejon dagiola.

Ni oso klasikoa nauk eta ia 50 urte zeramatzat urulogo berberarekin. Bera ere honezkero jubilatua zegok, jakina, baina elkarrekin konpontzen jarraitzen diagu.
Ez zekiat ba, zer esan, Serequr eta Saw Palmenttoz. Okerrik ezean, lehena farmakoa duk eta arlo horretan dezente zerbitzatua niagok. Bigarrena, berriz, belar modukoren bat, ikusi dudanez.

Amatiñoneko aitxitxa zenari esker, ni belarretan sinesten dutenetakoa nauk, baina ez zekiat ba… aldi berean prostata, alopezia eta inpotentzia osatzeko balio omen duena benetan sinesgarria izan ote litekeen. Gainera, alopezia eta inpotentzia ez zeudek honezkero nire lehentasunetan. Areago, Saw Palmentto hori odol-koagutzailea duk, nonbait, eta hain zuzen infartua izan berri duenak inondik ere hartu beharko ez lukeena.

Amaitzeko, batek zekik gizonezkoak ondo ala txarto eginak ote gauden… baina, kontuz gero esaldi arin horiekin, gaur egun ez zegok-eta hori esaterik, oraindik ere umegin bakarrak emakumeak dituk-eta, Eibarren behintzat.

Eutsi “goiari” eta ahalik eta gehien iraun. Ez haiz sekula damutuko.

Eguberri on!