Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Ordesako Soaso naba

Ordesako Soaso naba

Amatiño 2016/03/18 00:05
Ordesa da gure inguruko natura-parkerik zaharrenetakoa (1918) eta euskaldunik gehien biltzen dituena. Udaran gehien bat. Neguan ere merezi du, ordea, elurra eta eguzkia elkarrekin badira, batez ere. Soasoko lautada da Pirinioetako nabarik garaienetakoa

Ordesa natura-parkeak 156 kilometro karratu ditu; Eibar, Elgoibar, Soraluze, Mendaro eta Deba udalerriak elkarrekin bestekoa. Hainbat sarrera du eta edozenbat aukera eskaintzen ditu, mendigoizale amorratuentzat nahiz ume eta guztiko familia arruntentzat. Ibilaldirik ezagunena Torla gaineko zelaitik (1.310 m.) Soasoko zirku barreneko “Zaldi-buztan” deritzan ur-jauziraino (1.850 m). Hemezortzi kilometroko joan-etorria, zazpi ordu inguru elurretan eta ordubete-edo gutxiago, elurrik ez bada.

Inguru-minguru guztia euskal itxurazko izenez josia dago. Ara eta Arazas dira Ordesako bertako latsak (gure Araxes, Alzolaras edo Arakil erreken pareko), Soaso deritza lautada guztiari eta Goriz, berriz,  gorengo aterpetxeari. Inguruan, Lalarri, Escuain, Bizberri eta urrutiegi joan beharrik gabe, Huesca (Oska) lurraldean bertan, Ayerbe eta Benabarre ezagunez gainera, Regai, Axpe, Gistain, Artazo, Enate, Cenarbe, Ainsa, Escuzana, Estallo, Lusarre, Arrabio, Astazu, Zarra, Escalar eta mordo pila gehiago.

Soasoko harmailak

Behetik gora goazela, goitik behera "Soasoko harmailak"

Kandelak

 Bide-bazterrean, kandelak, norbera bezain lodikoteak

 Neu

 Soasoko lautada edo naba, aparteko lekua erraketaz ibiltzeko. Barrenean, zirkua

Soasoko zaldi bustana

Soasoko "Zaldi-buztana", zirkuaren magalean

Cola de Caballo

Eta "Zaldi-buztana"ren gainetik, Monte Perdido (3.355 m.) inguruko gailurretako bat

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal