Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Ondo geratzeko komunikazioa

Ondo geratzeko komunikazioa

Amatiño 2012/06/25 18:30
Amancio Ortega Zara (Inditex) taldearen sortzailea eta José María Castellano Inditexen lehendakariordea batzartu ziren behin Jordi Pujol lehendakariarekin eta, bilera amaitu ostean, Generalitate-buruak bikotea agurtu eta esan omen zion Castellanori: “Muchas gracias, señor Ortega”. Anekdota hau tarteko Manuel Campo Vidal kazetariak aditzera eman nahi du zein garrantzitsua den komunikazioa.

¿Por qué los profesionales no comunicamos mejor? (RBA, 2011) 150 orrialdeko eskuliburu xumea da, igande arratsalde batean irakurri ahal dena. Azalean zera dio, azpidatzi gisa: Los siete pecados capitales del mal comunicador. Eta kontrazalean, berriz, “¿Se puede aprender a comunicar? ¿Es importante lograrlo? Rotundamente si, responde el autor de ambas preguntas. Se puede aprender y este libro propone un eficaz método para conseguirlo”.

Auskalo. Ez dakit ba… behar bada azala zuzen samarra da, baina kontrazala ez horrenbeste. Liburuxka ez da inondik ere komunikazio-metodoa, ez du batere gauza berririk esaten, edonork ulertzeko moduko pasadizoak, irizpìdeak eta errezetatxoak eskaintzen dituen arren. Haatik, zer gerta ere, uka ezina dena zera da: liburuak bost argitalpen izan dituela azken sei hilabeteotan. Bada, nonbait, arratsalde batean masterrik egin nahi duenik.

Edozein modutan, liburuaren alderdirik eskasena ez da dioena, ez dioena baino. Manuel Campo Vidal komunikazio-aditua ez ezik, “ondo-geratzaile” aparta ere izan bada. Mundu guztiarekin geratu nahi du ondo eta, Guardiola zein Mourinho, aida nahiz ixo, ustezko “maisutasunari” komeni baino “zurikeria” gehiago dario esne-berben maila gainditu ahal izateko... ondo geratu beharraren mesedetan eta sinesgarritasunaren kaltetan.

Campo Vidal

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal