Oin dala 50 urteko mapia

Zazpi lurraldiak agertzen dira: Bizkaya, Araba, Gipuzkoa, Naparoa, Laburdi, Beko Naparoa eta Zuberoa.

Aittatzen diran uriburuak, ostera, hegoaldeko laurak baino ez dira: Bilbao, Gazteiz, Donostia eta Iruña. Baionak biharko leukian lekuan puntu baltza dago jarritta baina, bistan danez, ez nitzan izena idaztera heldu.

Mapiak (65 X 62 zm) titulua daka, baitta egillian izena eta fetxia be:

Gure Euzkal Eria

Aramberri´tar Luis Alberto marreztuta

1958´go Ilbeltzaren 4´an

Goguan dakat zelan egin neban hau mapiau, ohe albuan nekan eskritorixo modukuari etaratzen jakon arasa gainian. Kipula-papela zabal-zabalik jarri eta edozenbat egunetan jardun nitzan horretan. Egunerokua amaittu ostian, tolostu biharrian  kiribildu egitten neban, eta zer batian gorde. Biharamonian barriro be etara eta jarraittu. Itxura danez, Gabonetako oporretan amaittu neban, sasoi haretako fetxia daroia-ta.

Nabarmena gero, Naparoa eta Euzkal-Eria izenen <r>ak azentu-markiaz agertzen diran bittartian, Aramberri eta marreztu <r> biaz agertzen dirala.

Mapa honek berrogeita hamar urte dittuanezkero,  antigualla moduan jarri leikian salgai almonedan. Baina, seguru asko, inok ez leuke nik baino gehixago ordainduko.