Modeluaren amaiera
Laiseka. Luz Ardiden, 2001
Euskaltel, Euskadi eta WordTour, hiru hitz magiko hauek izan dira sekula historian zehar izan den euskal txirrindulari-talderik garrantzitsuenaren hiru zutabe nagusiak eta, ezin bestean, hiru zutabeon ordezkorik ezak hautsi du oreka.
Nazioartean aritzeko goi mailako taldeak baino ez du balio; goi horri luzaro eusteko euskal iragarki-merkatua txikiegia da; eta krisialditan, ekimen pribaturik ezean, erakundeek nekez jarri ahal dute diru publikorik kirolari profesionalen soldatak ordaintzeko. Modelua ahitu egin da.
Kontua da, ordea, azken hogei urteotan indarrean izan dugun modelu hau txirrindularitzan soilik gertatu ote den ala… baita euskal gizarte-ekonomiaren beste zenbait eremutan ere?