Mendikadarik politenetakoa
Bost urte joan dira lagunarteko ibilaldia egin genuenetik, Astungo eski-estaziotik Bious-Artiguesko aintziraraino, Aragoitik Biarnora, ibonez ibon. Nik behintzat, orduan erraz samar egin nuena, oraingoan, aldiz, kostata. Ez dut uste beste bost urte barru hirugarren biderrik izango dudanik. Martxa honetan, Arratera igotzearekin konformatu beharko dugu… eta gaitzerdi!
Hainbatek ezagutzen ez zuela-eta, Gipuzkoa, Nafarroa, Huesca eta Zaragozako hogeitaka mendizale berriro abiatu ginen aurreko larunbatean Midi d´Ossau sumendi-tximiniaren barrena. Gazteenak 70eko hamarkadan jaioak eta zaharrenak, berriz, 40koak. Gazteenak noiz nagusiak bizkortuko, eta nagusienak noiz gazteak baretuko. Bi erritmo, bizitzaren beste makinatxo bat arlotan bezala. Baina, tira, hala beharrez baino ez bada ere, elkarrekin hasi eta elkarrekin heldu. Ez da gutxi.
Astungo eski-estaziotik Bious-Artiguesko aintziraraino. Besteak beste, Huescako Pirinioetako mendikadarik politenetakoa. Zinez gero, mendi-zaletasuna areagotzen duten ibilaldi horietako bat.
Atzekaldean, Ayous aintzira, eta, barrenean, Midi d´Ossau (2.884 m.)
